क्रोएसियाली कम्पनीले युरोपको पहिलो रोबोट्याक्सी सेवा भएको दाबी गर्दै जाग्रेबका सडकमा परीक्षण सुरु गरेको छ।

उबरको सहयोग र चिनियाँ कम्पनी पोनी डट एआईको प्रविधिबाट सञ्चालित स्वचालित कारहरू हाल सीमित रूपमा सञ्चालनमा छन्, जहाँ मानवीय अपरेटर पनि सँगै उपस्थित छन्।

टेलिग्राफका अन‍ुसार चीन र अमेरिकामा यस्ता सेवाहरू वर्षौंदेखि उपलब्ध भए पनि धेरै कम्पनीहरू अझै युरोपेली सडकमा स्वचालित ट्याक्सी सेवा ल्याउने प्रतिस्पर्धामा छन्।

भर्नेको सेवाले पूर्ण रूपमा स्वचालित बन्ने लक्ष्य राखेको छ। हाल चरणबद्ध रूपमा सेवा विस्तार गरिँदा आवश्यक परे हस्तक्षेप गर्न चालक सिटमा मानवीय “अपरेटर” राखिएको छ।

क्रोएसियाको अव्यवस्थित ट्राफिक र जटिल चोकहरूको बाबजुद पनि, देशमा भर्नेका सञ्चालन प्रमुख फिलिप सिन्ड्रिकले अधिकांश यात्रा “कुनै हस्तक्षेपबिनै” सम्पन्न भइरहेको बताएका छन्।

सेवा पहिलो पटक अप्रिलको सुरुआतमा घोषणा गरिएको भए पनि जाग्रेबका सडकमा ती सवारी साधनहरू विरलै देखिएका छन्।

नियामकीय स्वीकृति प्राप्त भएमा कम्पनीले यसै वर्षको अन्त्यसम्म पूर्ण रूपमा चालकविहीन सञ्चालनमा जाने लक्ष्य राखेको बताइएको छ।