काठमाडौं ।
हालसम्म एप्पलले आफ्नो पहिलो फोल्डेबल स्मार्टफोनलाई आईफोन अल्ट्रा भन्ने चर्चा चलेको अवस्थामा अब एउटा नयाँ चर्चा ले त्यसलाई फेरि पुष्टि गरेको छ। तर यो कम्पनीको एक मात्र आगामी अल्ट्रा–ब्रान्डेड डिभाइस नहुने भएको छ।
आईफोन एयरलाई आईफोन १७ एयर नभनिए झैं आगामी फोल्डेबललाई आईफोन १८ अल्ट्रा नभइ आईफोन अल्ट्रा मात्र भनिने छ। यो कदमले एप्पललाई थप लचिलोपन प्रदान गर्दछ र यो मुख्यधारको स्मार्टफोन लाइन भन्दा पूर्ण रूपमा फरक तालिकामा नयाँ आईफोन अल्ट्रा पुस्ताहरूसँग बाहिर आउन सक्ने जीएसएमएरिनाले रिपोर्ट गरेको छ।
तालिकाको कुरा गर्दा एप्पलले आईफोन १८ प्रो र प्रो म्याक्ससँगै अल्ट्राको ढुवानीको लागि व्यवस्थापन गर्न धेरै कडा परिश्रम गरिरहेको छ। तीन ओटै डिभाइसहरु सेप्टेम्बरको एउटै कार्यक्रममा अनावरण गरिने भए तापनि फोल्डेबल अझै केही हप्ता पछि रिलीज हुन सक्नेछ।
त्यसैगरी आईफोन अल्ट्रासँग म्याकबुक अल्ट्रा पनि समावेश हुने भएको छ। साथै उक्त म्याकबुक अल्ट्रामा ओएलईडी टचस्क्रिन हुने बताइएको छ। यो म्याकबुक टचस्क्रिन र ओएलईडी डिस्प्ले प्यानल भएको पहिलो म्याकबुक हुनेछ। यो डिभाइस म्याकबुक प्रो भन्दा धेरै महँगो हुने अनुमान गरिएको छ।
वास्तवमा एप्पलको अल्ट्रा नामकरणको साथ उच्च मूल्य निर्धारण हुने गरेको देखिन्छ र सन्दर्भको लागि एप्पल वाच अल्ट्रालाई आफ्नो नन्–अल्ट्रा मोडेलहरूसँग तुलना गर्न सकिनेछ।
म्याकबुक अल्ट्रा मूल रूपमा यो वर्षको उत्तरार्धमा आउने योजना गरिएको भए तापनि यो डिभाइस अब सन् २०२७ को पहिलो ६ महिना भित्र आउने चर्चा रहेको छ।
म्याकबुक अल्ट्राको ढिलाइ र्याम आपूर्ति समस्याहरूसँग सम्बन्धित रहेको उल्लेख गरिएको छ। यो ल्यापटपले एप्पलको अवस्थित मोडेलहरूको तुलनामा “पूर्ण रूपमा नयाँ सुविधा सेट प्रदान गर्ने” छ।
त्यसैगरी अर्को एप्पल अल्ट्रा–ब्रान्डेड डिभाइस भनेको फोल्डेबल आईप्याड अल्ट्रा हुन सक्नेछ। साथै यो डिभाइस स्पष्ट रूपमा एप्पलका अर्को सीईओ जोन टर्नसको लागि प्राथमिकता भएको र यो अहिलेसम्मकै सबैभन्दा महँगो आईप्याड हुने उल्लेख गरिएको छ।
प्रकाशित: १८ बैशाख २०८३, शुक्रबार
