काठमाडौं ।
एन्ड्रोइड निर्माताहरूले एप्पलको एयरड्रप जत्तिकै राम्रो स्थानीय फाइल सयरिङ समाधान बनाउन प्रयास गरे पनि तिनीहरूले कहिल्यै सफलता प्राप्त गरेका छैनन्।
सामसङ ग्यालेक्सी एस२६ सिरिज (एस२६, एस२६+, एस२६ अल्ट्रा), हाल स्थिर वान यूआई ८.५ चलाउने एक मात्र फोनहरू हुन् र तिनीहरुमा पहिले नै क्विक सेयर सुविधा मार्फत आधिकारिक एयरड्रप समर्थन पनि उपलब्ध छन्। त्यसैगरी अब चाँडै, पुराना मोडेलहरूले पनि यो सुविधा प्राप्त गर्ने भएका छन्।
धेरै मानिसहरूले तिनीहरूको क्विक शेयर सेटिङ स्क्रिनमा नयाँ “शेयर विथ एप्पल डिभाइसेस्” टगल देखा परेको रिपोर्ट गरिरहेका छन्। सुविधा देखा परे तापनि यो वास्तवमा सबैको लागि काम नगर्ने उल्लेख गरिएको छ। आफ्नो क्विक शेयर सेटिङहरूमा यो सुविधा छ कि छैन भनेर जाँच गर्न सकिनेछ र सामसङ स्टोर एप मार्फत अपडेटहरूको लागि जाँच गर्न आग्रह गरिएको छ।
विशेष गरी एस२५, एस२४, एस२३ र एस२२ पुस्ताका पुराना ग्यालेक्सी एस डिभाइसहरूका मालिकहरूबाट रिपोर्टहरू आएको बताइएको छ। तिनीहरूमध्ये धेरैजसोले वान यूआई ८.५ बिटा चलाइरहेका छन् र केही भने अझै पनि वान यूआई ८.० मा निर्भर रहेका छन्।
त्यसैगरी यो सम्भवतः केवल परीक्षण रोलआउट हुन सक्ने र सामसङले यो सुविधालाई राम्रोसँग सक्षम गर्नु अघि स्थिर वान यूआई ८.५ रिलीजको लागि पर्खिरहेको हुन सक्ने बताइएको छ।
गत वर्ष ईयूले एप्पललाई नोटिफिकेसन सिस्टम, ब्याकग्राउण्ड (पृष्ठभूमि) कार्यान्वयन विशेषाधिकारहरू र एयरड्रप जस्ता केही आईओएस सुविधाहरू खोल्न दबाब दिएको थियो।
यो कदमले गर्दा गुगलले गत वर्ष पिक्सेल १० सिरिजमा एयरड्रप समर्थन लन्च गर्दै फेब्रुअरीदेखि पिक्सेल ९ सिरिजमा पनि उपलब्ध गराएको थियो। साथै ओप्पोले पनि फाइन्ड एक्स९ सिरिजबाट सुरु गर्दै आफ्ना फोनहरूमा एयरड्रप समर्थन ल्याउने घोषणा गरेको जीएसएमएरिनाले रिपोर्ट गरेको छ।
प्रकाशित: १७ चैत्र २०८२, मंगलवार
