काठमाडौं ।
ग्रीसले सूर्तिजन्य पदार्थ र मदिरा खरिद गर्ने ग्राहकहरूको उमेर प्रमाणित गर्न नयाँ डिजिटल एप्लिकेसन प्रणाली सुरु गरेको छ। यो प्रणाली नाबालिगहरूलाई सुर्तीजन्य पदार्थ र मदिरा गरी दुवै उत्पादनहरू बिक्री गर्न प्रतिबन्ध लगाउने कानून लागू गर्न व्यापक सरकारी प्रयासको एक भागका रुपमा गत गृष्म ऋतुमा पारित भएको थियो।
स्वास्थ्य मन्त्री एडोनिस जर्जियाडेस र नागरिक संरक्षण तथा डिजिटल शासन मन्त्रीहरूले प्रस्तुत गरेको यो प्रणाली नाबालिग ग्राहकहरूलाई बिक्रेताहरूले सूर्तिजन्य पदार्थ र मदिरा बिक्री गरेको अवस्थामा तिनीहरु पक्राउ पर्दा “अज्ञानता” भनेर दावी गर्न अनुमति दिने किसिकको लामो समयदेखि रहेको छिद्र बन्द गर्न डिजाइन गरिएको बताइएको छ।
“यो प्रणालीले त्यो बहाना हटाउनेछ” जर्जियाडेसले प्रस्तुतिमा भने।
“यो प्रणालीले नियन्त्रणलाई सजिलो बनाउँछ, हामी बीचको सम्बन्धलाई स्पष्ट बनाउँछ र जरिवाना लगाउन सजिलो बनाउँछ” उनले थप उल्लेख गरे। ग्रीसले यो सुरुवातलाई युरोपमा पहिलो पटक भएको मानेको छ।
“उमेर प्रमाणीकरण विधिले इन्टरनेट र सामाजिक सञ्जाल प्लेटफर्महरूमा उमेर जाँचको लागि युरोपेली संघले अपनाएको प्राविधिक दृष्टिकोणलाई प्रतिबिम्बित गर्दछ भने यो ग्रीसको अवस्थित डिजिटल वालेट पूर्वाधार मार्फत महाद्वीपमा यसको पहिलो वास्तविक–विश्व कार्यान्वयन हो” डिजिटल गभर्नेन्स मन्त्री दिमित्रीस पापास्टरगियोले भने।
२०२५ को जुलाई ७ मा कानून लागू भएदेखि अधिकारीहरूले लगभग ८२,००० जाँचहरू गरिसकेका छन् र २०२४ भरि गरिएको १,३३,००० मध्ये आधा भन्दा बढी भएको बताइएको छ।
त्यसैगरी प्रहरीले ३१३ पक्राउहरू रेकर्ड गरेको छ र त्यसमध्ये ६७ प्रतिशत मदिरा सम्बन्धी अपराधहरूसँग सम्बन्धित छन्।
त्यसबाहेक थप १५० प्रशासनिक जरिवानाहरू जारी गरिएको र ती मध्ये धेरैजसो मदिरासँग सम्बन्धित थिए भने १२१ रिपोर्टहरू नाबालिगहरूसँग सम्बन्धित निजी कार्यक्रमहरूको अनिवार्य प्रहरी सूचना आवश्यक पर्ने नयाँ संयन्त्र अन्तर्गत दायर गरिएको थियो।
कानून प्रवर्तन एजेन्सीहरूलाई कारबाही गर्न फराकिलो उपकरणहरू दिने उद्देश्यको साथ उपायहरूको रुपमा विधायी ढाँचाले विक्रेताहरूले खरीदकर्ताहरूको उमेर प्रमाणित गर्नुपर्ने र नाबालिगहरूले भाग लिने निजी कार्यक्रमहरू अधिकारीहरूलाई रिपोर्ट गर्नुपर्ने पनि आदेश दिएको नागरिक संरक्षण मन्त्रीले बताएको टेलिग्राफले रिपोर्ट गरेको छ।
प्रकाशित: ९ चैत्र २०८२, सोमबार
