काठमाडौं ।
केही समयदेखि, एप्पलको आगामी आईफोन १८ प्रो र आईफोन १८ प्रो म्याक्समा अण्डर–डिस्प्ले फेस आईडी सेन्सर प्रयोग गरिएको हुनाले सानो डायनामिक आइल्याण्ड आउने हल्ला चलिरहेको छ। यो बारेमा धेरै नै हल्ला चलेको हुनाले स्पष्ट रूपमा नभए पनि मूल रूपमा यो अब पुष्टि भएको नयाँ सुविधा हो भनेर अनुमान गरिएको थियो।
चीनबाट आएको एउटा नयाँ अफवाहले आगामी आईफोन १८ प्रो र आईफोन १८ प्रो म्याक्समा रहेको डायनामिक आइल्याण्ड आईफोन १७ प्रो र आईफोन १७ प्रो म्याक्सको जस्तै रहने बताएको छ। साथै अण्डर–डिस्प्ले फेस आईडी एरेमा सर्ने कुरा अब अर्को पुस्ता सम्मको लागि स्थगित गरिने भएको जीएसएमएरिनाले रिपोर्ट गरेको छ।
यो अफवाहको स्रोत (वेइबोमार्फत डिजिटल च्याट स्टेशन) ले एप्पलले यो निर्णय किन गर्यो भनेर उल्लेख नगरे पनि कम्पनीले आईफोन १८ प्रो सिरिजको मूल्य गत वर्षको जस्तै राख्न चाहेको भनेर अनुमान गर्न सकिने बताएको छ र र्यामको मूल्य वृद्धिले गर्दा डिभाइसको मूल्यमा पनि वृद्धि हुने कुरा भने समान्य हुने उल्लेख गरिएको छ।
यस्तो कदमले एप्पलको आईफोन व्यवसायको नाफामा असर नपार्नको लागि नयाँ र सम्भवतः अण्डर–डिस्प्ले सेन्सर एरे जस्ता महँगो भागहरू प्रस्तुत गर्ने कार्य त्याग्न सकिने उल्लेख गरिएको छ। डिजिटल च्याट स्टेशनले स्क्रिन साइज र सेपहरू आईफोन १७ प्रो मोडेलहरूसँग समान हुनेछन् भनि थप बताएको छ।
आगामी पुस्तामा एक मात्र अपग्रेड भनेको २एनएम प्रक्रियामा निर्मित ए२० प्रो चिपको समावेश, भेरियबल एपर्चर क्यामरा र ब्याट्री क्षमता अपग्रेड (प्रो म्याक्सको लागि ५,००० एमएएच भन्दा बढी) हुनेछ। आगामी आईफोन १८ प्रो र आईफोन १८ प्रो म्याक्सको राम्रो बिक्रीको लागि यी स्पेक्सहरू पर्याप्त हुनेछन् कि छैनन् भनेर हेर्न भने बाँकी छ।
आईफोन १८ प्रो र प्रो म्याक्स सेप्टेम्बरमा आईफोन फोल्ड (वा आईफोन अल्ट्रा) सँगै अनावरण हुने अपेक्षा गरिएको छ।
प्रकाशित: २९ फाल्गुन २०८२, शुक्रबार
