रुसी शहरहरूमा इन्टरनेट सेवामा अवरोध, ‘आवश्यक’ भएसम्म जारी रहने

काठमाडौं ।

मस्को र अन्य रूसी शहरहरूमा आंशिकरूपमा नेटवर्क अवरोधहरू भएको छ। रूसमा नागरिकहरूको सुरक्षा सुनिश्चित गर्न मोबाइल इन्टरनेट अवरूद्धता ‘आवश्यक’ भएसम्म जारी रहने क्रेमलिनले बुधबार जनाएको छ।

मस्कोले विशाल अमेरिकी सामाजिक सञ्जाल नेटवर्क मेटा र टेलिग्रामको स्वामित्वमा रहेको ‘मेसेजिङ एप’ ह्वाट्सएपमाथि प्रतिबन्ध लगाउन आदेश दिएपछि रुसी अधिकारीहरूले इन्टरनेट पहुँचमा लगाएको प्रतिबन्धको यो पछिल्लो श्रृङ्खला हो।

रुसले आपराधिक गतिविधिसँग लड्न आवश्यक रहेको बताउँदै म्याक्सलाई पनि प्रतिबन्धित गरेको छ । तर क्रेमलिनका आलोचकहरूले यो अनलाइन निगरानी बढाउने प्रयास भएको बताएका छन्।

क्रेमलिनका प्रवक्ता दिमित्री पेस्कोभले भने, “हाम्रा नागरिकहरूको सुरक्षा सुनिश्चित गर्न थप उपायहरू आवश्यक हुँदासम्म इन्टरनेट सेवा अवरोध हुनेछ।

उनले युक्रेनले ‘बढ्दो परिष्कृत आक्रमण विधिहरू’ प्रयोग गरेको आरोप लगाउनुभयो र भन्नुभयो, “‘बढ्दो परिष्कृत आक्रमण विधिहरू’ निस्क्रिय पार्न अत्याधुनिक प्राविधिक प्रतिरोधात्मक उपायहरू आवश्यक हुनेछ।”

रूसी सुरक्षा सेवाहरूले युक्रेनले टेलिग्रामको प्रयोग रूसमा मानिसहरूलाई जोड्न वा तोडफोड गर्न प्रयोग गरिरहेको बारम्बार दावी गर्दै आएका छन्।

आफ्नो पूरा नाम बताउन नचाहने २० वर्षीय विद्यार्थी निकोलेले मस्कोमा एएफपीसँग भने, “इन्टरनेट प्रयोग गर्न सजिलो भएको छैन।”

उनले भने, “प्रतिबन्धका कारण मेरो ‘मेसेजिङ एप’मा समस्या भएका कारण म आफ्ना प्रियजनसँग सम्पर्क गर्न सक्दिनँ।” रासस/एएफपी