काठमाडौं ।
रियलमीले भारतमा रियलमी सी८३ ५जी भनिने नयाँ बजेट फोन लन्च गरेको छ। यो ७,०००एमएएच ब्याट्री भएको नयाँ बजेट फोन कम्पनीको सी–सिरिज लाइनअपमा पछिल्लो थप हो।
फोनमा रहेको ६.८ इन्चको आईपीएस एलसीडी डिस्प्लेले एचडी+ रिजोल्युसन र १४४हर्जको रिफ्रेस रेट प्रदान गर्दछ। प्यानलले ९०० निट्स सम्मको पीक ब्राइटनेस र १८०हर्जको अधिकतम टच स्याम्पलिङ रेट पनि प्रदान गर्ने जीएसएमएरिनाले रिपोर्ट गरेको छ।
यो फोनमा मिडियाटेक डाइमेन्सिटी ६३०० एसओसीको साथमा ६जीबी सम्मको एलपीडीडीआर४एक्स र्याम र १२८जीबी ईएमएमसी ५.१ स्टोरेज समावेश गरिएको छ। फोनमा २टीबी सम्म स्टोरेज विस्तारको लागि माइक्रोएसडी कार्ड स्लट पनि उपलब्ध रहेको छ।
रियलमी सी८३ ५जीको पछाडि एफ/२.२ एपर्चर र एलईडी फ्ल्यासको साथ १३ मेगापिक्सेलको सिङ्गल क्यामरा रहेको छ। सेल्फीका लागि फोनले ५ मेगापिक्सेलको क्यामरा प्रदान गर्दछ।
फोनको एउटा मुख्य विशेषता भनेको ठूलो ७,०००एमएएच ब्याट्री हो। १५वाट वायर्ड चार्जिङलाई समर्थन गर्ने यो ब्याट्रीको मोटाई ८.४एमएम र तौल २१२ ग्राम रहेको छ। ह्यान्डसेटले एन्ड्रोइड १६–आधारित रियलमी यूआई ७.० रन गर्दछ।
फोनमा साइड–माउन्ट गरिएको फिङ्गरप्रिन्ट स्क्यानर, ३.५एमएम हेडफोन ज्याक, एउटा स्पिकर, आईपी६४ रेटिङ छ। फोनले डुअल–सिम समर्थन, ५जी, ब्लुटुथ ५.३, डुअल–ब्यान्ड वाइफाइ र जीपीएस प्रदान गर्दछ।
रियलमी सी८३ ५जी ब्लूमिङ पर्पल र स्प्राउटिङ्ग ग्रिन रङ्ग विकल्पहरूमा उपलब्ध हुनेछ। फोनको ४जीबी/६४जीबी भेरियन्टको मूल्य १३,४९९ भारतीय रुपैयाँ (१४५ अमेरिकी डलर) बाट सुरु हुन्छ भने ४जीबी/१२८जीबी को मूल्य १४,४९९ भारतीय रुपैयाँ (१६० अमेरिकी डलर) कायम गरिएको छ। त्यसैगरी ६जीबी/१२८जीबी मोडेलको मूल्य १७,४९९ भारतीय रुपैयाँ (१९० अमेरिकी डलर) पर्ने उल्लेख गरिएको छ।
प्रकाशित: २५ फाल्गुन २०८२, सोमबार
