सात महिनामा साढे २९ करोड रुपैयाँमाथिको डेढ लाख हाराहारी विद्युतीय चुलो आयात

काठमाडौं ।

चालु आर्थिक वर्ष २०८२/८३ को सातौं महिना माघ मसान्तसम्म नेपालमा २९ करोड २ लाख १० हजार रुपैयाँ बराबरका विद्युतीय चुलोहरु आयात भएका छन्।

भन्सार विभागले हालै सार्वजनिक गरेको उक्त अवधिसम्मको वैदेशिक व्यापारसम्बन्धी तथ्याङ्कअनुसार नेपालले विश्वका विभिन्न २३ देशहरुबाट उक्त मूल्य बराबरका १ लाख ३९ हजार ६३३ थान यस्ता विद्युतीय चुलोहरु आयात गरेको हो।

यी परिमाणमा विद्युतीय चुलोहरु आयातवापत् सरकारले ४ करोड १३ लाख ११ हजार रुपैयाँ राजश्व आम्दानी गरेको छ।

यसरी आयात भएका विद्युतीय चुलोहरुलाई इण्डक्शन, इन्फ्रारेड र अन्य विद्युतीय चुलोमा वर्गीकरण गरिएको छ।

यीमध्ये सबैभन्दा धेरै चीनबाट २५ करोड ३१ लाख ९५ हजार बराबरको १ करोड १९ हजार ७३७ थान तथा भारतबाट ३ करोड ३३ लाख बराबरको १८ हजार ३५१ थान चुलो आएको छ।

यीबाहेक कतारबाट ७१ हजार बराबरको ६२ थान, यूएईबाट १ लाख २९ हजार बराबरको ९१ थान, बंगलादेशबाट २५ लाख ६२ हजार बराबरको १ हजार २९० थान, मलेसियाबाट ७ लाख ३६ हजार बराबरको ४८ थान तथा साउदी अरेबियाबाट ६ हजार बराबरको ५ थान तथा अमेरिकाबाट २ हजार बराबरको १ थान विद्युतीय चुलो आएको पाइएको छ।

यस्तो छ तथ्याङ्क

इण्डक्शन चुलो

इन्फ्रारेड चुलो

अन्य विद्युतीय चुलो