काठमाडौं ।
एक हप्ता अघि, गुगलले जेमिनी भित्र पर्सनल इन्टेलिजेन्स लन्च गरेको थियो। अब कम्पनीले यो सुविधा गुगल सर्चको एआई मोडमा पनि आउने घोषणा गरेको छ।
एआई मोडमा, पर्सनल इन्टेलिजेन्सले प्रयोगकर्तालाई आफ्नो इमेल र फोटोहरूको आधारमा पर्सनलाइज्ड एआई परिणामहरू प्राप्त गर्न जीमेल र गुगल फोटोहरू कनेक्ट गर्न दिन्छ। यो अमेरिकामा अंग्रेजीमा गुगल एआई प्रो र गुगल एआई अल्ट्रा सदस्यहरूको लागि उपलब्ध छ। साथै यो ल्याब सुविधाको रूपमा अप्ट–इन छ। यो सुविधालाई सक्रिय गर्नको लागि गुगल सर्चमा गएर आफ्नो प्रोफाइल ट्याप गरि सर्च पर्सनलाइजेसन छनौट गरेर कनेक्टेड कन्टेण्ट एप्स चयन गर्नुपर्नेछ र त्यसपछि वर्कस्पेस र गुगल फोटोज कनेक्ट गर्नुपर्नेछ।
यो कसरी उपयोगी छ भन्ने उदाहरणको लागि मानौं तपाईं नयाँ कपडा किन्न खोज्दै हुनुहुन्छ भने पर्सनल इन्टेलिजेन्सले तपाईंले हालसालै कुन ब्रान्डहरू किन्नुभएको छ भनेर थाहा पाउनेछ र तिनीहरूबाट केही नयाँ सुझाव दिनेछ। वा, यदि तपाईं केही कार्य गर्न र खाने ठाउँहरू खोज्दै हुनुहुन्छ भने जीमेलमा तपाईंको होटल बुकिङ र फोटोहरूमा ट्राभल मेमोरीहरूको आधारमा सुझावहरूको लागि सन्दर्भ प्रदान गरिनेछ।
एआई मोडले जेमिनी ३ प्रयोग गर्दछ र प्रयोगकर्ताको जीमेल इनबक्स वा गुगल फोटो लाइब्रेरीमा सिधै प्रशिक्षित नहुने गुगल बताएको छ। तालिम “समयसँगै कार्यक्षमता सुधार गर्न एआई मोडमा विशिष्ट प्रम्प्टहरू र मोडेलको प्रतिक्रियाहरू जस्ता सीमित जानकारी” मा निहित रहेको जीएसएमएरिनाले रिपोर्ट गरेको छ।
प्रकाशित: १० माघ २०८२, शनिबार
