काठमाडौं ।
नेपाल दूरसञ्चार प्राधिकरण (एनटीए) ले आफ्ना अनुमति सेवा प्रदायक कम्पनीहरुको साइबर सुरक्षा अडिट गर्नका लागि साइबर सुरक्षा परामर्श फर्महरूलाई रोस्टरमा सूचीकृत हुन आग्रह गरेको छ।
दूरसञ्चार क्षेत्रको नियामक निकाय प्राधिकरणले प्रत्येक वर्ष आफू अन्तरगतका अनुमति पत्र पाएका सेवा प्रदायकहरुको साइबर सुरक्षा अडिट गर्ने क्रममा यो वर्षका लागि फर्महरुलाई रोस्टरमा सूचीकृत हुन सूचना जारी गरेको छ।
सूचनाअनुसार सूचीकृत फर्महरुले आर्थिक वर्ष २०८२/८३ (२०२५/२६) को लागि साइबर सुरक्षा तथा क्लाउड अडिट गर्नुपर्नेछ।
“नेपालको दूरसञ्चार क्षेत्रको नियामक, नेपाल दूरसञ्चार प्राधिकरण (एनटीए) ले आर्थिक वर्ष २०८२/८३ (२०२५/२६) को लागि साइबर सुरक्षा विनियम, २०७७ (२०२०) को खण्ड-५५ र ५७(iv) मा उल्लेखित गतिविधि/कार्य पूरा गर्न आईएस लेखा परीक्षक/क्लाउड लेखा परीक्षकको रूपमा छोटो सूचीमा परेका साइबर सुरक्षा परामर्श/लेखा परीक्षकको रूपमा रोस्टर (स्थायी सूची) कायम राख्ने र प्रकाशित गर्ने लक्ष्य राखेको छ,” सूचनामा भनिएको छ।
रोस्टरमा छोटो सूचीमा परेका परामर्श/लेखा परीक्षक फर्महरूले इजाजतपत्र प्राप्त सेवा प्रदायकहरु (आधारभूत दूरसञ्चार, आधारभूत टेलिफोन, मोबाइल अपरेटरहरू, नेटवर्क सेवा प्रदायकहरू, इन्टरनेट सेवा प्रदायकहरू आदि) को सूचना सुरक्षा (आईएस) लेखा परीक्षक वा क्लाउड सुरक्षा लेखा परीक्षक गर्न सक्नेछन्।
साइबर सुरक्षा परामर्श/लेखा परीक्षकहरूलाई निर्दिष्ट सेवाहरू प्रदान गर्न इजाजतपत्र प्राप्तहरूले उनीहरूको विशिष्ट सीप र अनुभव अनुसार संलग्न गर्ने उल्लेख छ।
परामर्श/लेखापरीक्षण फर्महरूलाई अनुसूची-१ मा तोकिएको “योग्यता मापदण्ड” को आधारमा प्राधिकरणको रोस्टर (स्थायी सूची) मा छोटो सूचीमा राखिने सूचनामा भनिएको छ।
प्रकाशित: ९ माघ २०८२, शुक्रबार
