काठमाडौं ।
आर्टिफिसियल इन्टेलिजेन्स (एआई) ले जागिरहरू प्रतिस्थापन गर्न सक्ने व्यापक डरको बाबजुद पनि एन्थ्रोपिकको एक अध्ययनले भने प्रविधिले वास्तवमा कामदारहरूलाई मद्दत गरिरहेको सुझाव दिएको छ।
कामको बारेमा उतपन्न चिन्ताको बाबजुद अनुसन्धान अझ जटिल भएको र एआईले भूमिकाको आधारमा जागिरहरूलाई फरक तरिकाले आकार दिन्छ भन्ने तथ्य पत्ता लागेको टेलीग्राफले रिपोर्ट गरेको छ।
एआई कति पटक प्रयोग गरिन्छ भन्ने कुरामा मात्र ध्यान केन्द्रित गर्नुको सट्टा, प्रतिवेदनले कुन प्रकारका कार्यहरू दिइन्छ र यो सफल छ कि छैन भनेर अझ नजिकबाट हेरेको युरोन्यूजले उल्लेख गरेको छ।
अध्ययनले ४९ प्रतिशत कार्यस्थलहरूले अब संलग्न कार्यहरूको कम्तिमा एक चौथाईमा एआई प्रयोग गर्न सक्छन् भन्ने तथ्य पत्ता लगाएको र यो २०२५ को सुरुवातदेखि १३ प्रतिशतले वृद्धि भएको उल्लेख गरिएको छ।
तर सबै कार्यालयका कामहरू एआईबाट एकै तरिकाले प्रभावित नहुने रिपोर्टले थप उल्लेख गरेको छ।
प्रतिवेदनले भौगोलिक भिन्नताहरूलाई हाइलाइट गरेको छ। उच्च आय भएका देशहरूले काम र व्यक्तिगत कार्यहरूको लागि एआई बढी प्रयोग गर्दछन् भने कम आय भएका देशहरूले शिक्षामा प्रयोगको उच्च दर देखाएको उल्लेख गरिएको छ।
यो एन्थ्रोपिक आर्थिक सूचकांकको चौथो संस्करणले एआईलाई काममा कसरी एकीकृत गरिँदैछ र एआईको सम्भावित प्रभावहरू ट्र्याक गरेको छ।
एआई कसरी प्रयोग गरिन्छ भनेर बुझ्ने कार्य फैलिदै गइरहेको एआईको मापन गर्नु जत्तिकै महत्त्वपूर्ण भएको रिपोर्टका लेखकहरूको तर्क गरेका छन्।
प्रकाशित: ९ माघ २०८२, शुक्रबार
