ओप्पो रेनो१५ एफएस एसडी ६ जेन १ र ६,५०० एमएएच ब्याट्रीको साथ लन्च भयो

काठमाडौं ।

ओप्पोको रेनो१५ सिरिजको पछिल्लो थप रेनो१५ एफएस अब धेरै ईयू बजारहरूमा आइपुगेको छ। यो डिभाइस लगभग रेनो१५ एफ जस्तै भएपनि नयाँ एफएस मोडेल अलि सानो ६,५०० एमएएच ब्याट्री र एकल ८ जीबी र्यामको साथमा ५१२ जीबी स्टोरेज ट्रिमको साथ आउने बताइएको छ।

सीपीएच२८० मोडेल नम्बर रहेको रेनो१५ एफएसमा एफएचडी+ रिजोल्युसन र १२० हर्ज रिफ्रेस रेटको साथ ६.५७ इन्चको एएमओएलईडी डिस्प्ले समावेश गरिएको छ। प्यानलमा ५० मेगापिक्सेल सेल्फी क्यामरा साथै अप्टिकल फिङ्गरप्रिन्ट स्क्यानर पनि रहेको छ।

डिभाइसको पछाडि ५० मेगापिक्सेलको मुख्य शूटर, ८ मेगापिक्सेलको अल्ट्रावाइड र २ मेगापिक्सेलको म्याक्रो लेन्स उपलब्ध छ।

रेनो१५ एफएसमा क्वालकमको स्न्यापड्रागन ६ जेन १ चिपसेट र एलपीडीडीआर४एक्स र्यामको साथमा यूएफएस ३.१ स्टोरेज समावेश गरिएको छ। पानी र धुलो विरुद्ध आईपी६८ रेटेड गरिएको यो डिभाइसमा ८० वाट चार्जिङको साथ ६,५००एमएएच ब्याट्री समावेश गरिएको छ।

रेनो१५ एफएस अरोरा ब्लू र ट्वाइलाइट ब्लू रङ्गहरूमा उपलब्ध छ। रेनो१५ एफएस ओप्पो पोल्याण्डबाट १,६०० पोलिश ज्लोटी (४४३ अमेरिकी डलर) र ओप्पो इटालीबाट ४७० यूरो मा सूचीबद्ध गरिएको जीएसएमएरिनाले रिपोर्ट गरेको छ।