वाशिङ्टनको यातायात विभागले सबै ट्राफिक क्यामराहरू हटाउँदै

काठमाडौं ।

शहरको यातायात विभागले वाशिङ्टनमा ट्राफिक क्यामराहरू हटाउने योजना बनाएको छ। योजनामा स्पिडिङ्ग (तीव्र गति), रेड लाईट (रातो बत्ती) र स्टप साइन्स(रोक्ने चिन्हहरू) समावेश रहेका छन्।

यदि स्वीकृत भएमा यो उपाय वर्षको अन्त्यसम्ममा लागू हुन सक्ने टेलिग्राफले रिपोर्ट गरेको छ।

रेड लाईट क्यामराहरू पहिलो पटक १९९९ मा स्थापना गरिएको थियो भने त्यसपछि सयौं थप स्पिडिङ्ग (तीव्र गति) र स्टप साइन्स (रोक्ने चिन्हहरू) स्थापना गरिएको थियो।

डीसीमा हाल १०० देखि ५०० अमेरिकी डलर सम्मको जरिवाना सहितको ५४६ क्यामराहरू रहेका छन्।

ह्वाइट हाउसमा पठाइएको मस्यौदा कागजातले आगामी यातायात विधेयकको भागको रूपमा क्यामराहरू प्रतिबन्ध लगाउने प्रस्ताव गरेको छ।

क्यामराहरूले सार्वजनिक सुरक्षा प्रदान गर्नु भन्दा राजस्व उत्पन्न गर्न बढी काम गर्दछन् र २०२५ मा तिनीहरूले २६७.३ मिलियन अमेरिकी डलर आम्दानी गरको आलोचकहरूको भनाइ रहेको छ।

क्यामराहरू जीवन बचाउन र सुरक्षा कायम राख्न आवश्यक छन् भने तिनीहरूलाई हटाउनाले अर्बौं डलरको कमी हुनेमेयर मुरिएल बाउसरले तर्क गरेका छन्।

क्यामरा बिना कानून लागू गर्न प्रहरीलाई ठूलो बोझ हुने र स्रोतहरू अत्यधिक हुने केही नगर परिषद् सदस्यहरूले चेतावनी दिएका छन्।