आईकू जेड११ टर्बो स्न्यापड्रागन ८ जेन ५ र ७,६००एमएएच ब्याट्रीको साथ उपलब्ध

काठमाडौं ।

आईक्यूओओ जेड११ टर्बो चीनमा अनावरण गरिएको छ। चार रङ विकल्पहरूमा खरिदको लागि उपलब्ध डिभाइसमा डुअल–रियर क्यामरा सेटअप र ठूलो ७,६००एमएएच ब्याट्री रहेको छ।

यो डिभाइसमा स्न्यापड्रागन ८ जेन ५ एसओसीको साथ एड्रेनो ८४० जीपीयू र १६जीबी सम्मको एलपीडीडीआर५एक्स अल्ट्रा र्याम र १टीबीसम्मको यूएफएस ४.१ स्टोरेज समावेश गरिएको छ। फोनमा गेमिङको लागि क्यू२ इस्पोट्र्स चिप र आइस डोम भेपर चेम्बर प्रणाली उपलब्ध रहेको जीएसएमएरिनाले रिपोर्ट गरेको छ।

ह्यान्डसेटमा १.५के रिजोल्युसन, १४४हर्ज रिफ्रेस रेट र ५,००० निट्स सम्मको पीक ब्राइटनेसको साथ ६.५९–इन्चको एएमओएलईडी डिस्प्ले छ। साथै ४,३२० हर्ज पीडब्ल्यूएम डिमिङ, डीसी डिमिङ, एचडीआर१०+ समर्थन र स्कट शिल्ड ग्लास सुरक्षा प्राप्त गरिनेछ।

जेड११ टर्बोको पछाडि ओआईएस र ४× हानिरहित जुम प्रदान गर्ने भनिएको एफ/१.८ एपर्चर सहितको २०० मेगापिक्सेल प्राथमिक सेन्सरको साथ ८ मेगापिक्सेल अल्ट्रावाइड डुअल क्यामरा सेटअप रहेको छ। फोनमा सेल्फी र भिडियो कलिङको लागि ३२ मेगापिक्सेल फ्रन्ट फेसिङ क्यामरा पनि छ।
१०० वाट फास्ट चार्जिङको लागि समर्थनको साथ ठूलो ७,६००एमएएच ब्याट्री रहेको यो डिभाइसले एन्ड्रोइड १६–आधारित ओरिजिनओएस ६ चलाउँछ।

अन्य विशिष्टताहरूमा थ्रीडी अल्ट्रासोनिक फिङ्गरप्रिन्ट स्क्यानर, इन्फ्रारेड सेन्सर, स्टेरियो स्पिकरहरू र आईपी६८/आईपी६९ मूल्याङ्कन समावेश छ। कनेक्टिभिटीको लागि, फोनले ब्लुटुथ ६.०, फाइभजी, वाईफाई ७, एनएफसी प्रदान गर्दछ र उपलब्ध धेरैजसो जीपीएस स्याटेलाइटहरूलाई समर्थन गर्दछ। फोनको तौल २०२ ग्राम र ७.९ एमएम बाक्लो छ।

आईक्यूओओ जेड११ टर्बो फ्लोटिङ्ग लाइट, हेलो पिङ्क, मिडनाइट ब्ल्याक र स्काई ह्वाइट रङ्ग विकल्पहरूमा खरिदको लागि उपलब्ध छ। कालो भेरियन्टमा फाइबरग्लास रियर प्यानल रहेको छ भने अन्य विकल्पहरूमा ग्लास रियर कभर रहेको छ। साथै डिभाइसले एल्युमिनियम धातु अलोय फ्रेम प्राप्त गरेको छ।

फोनको १२जीबी/२५६जीबी मोडेलको लागि २,६९९ चिनियाँ युआन (३९० अमेरिकी डलर) मूल्य निर्धारण गरिएको छ भने १२जीबी/५१२जीबी भेरियन्टको लागि ३,१९९ चिनियाँ युआन (४७० अमेरिकी डलर) मूल्य कायम गरिएको छ। साथै १६जीबी/२५६जीबी मोडेलको मूल्य २,९९९ चिनियाँ युआन (४३० अमेरिकी डलर) रहेको छ र १६जीबी/५१२जीबी भेरियन्टको मूल्य ३,४९९ चिनियाँ युआन (५०० अमेरिकी डलर) कायम गरिएको छ। फोनको १६जीबी/१टीबी विकल्पको मूल्य ३,९९९ चिनियाँ युआन (५७० अमेरिकी डलर) कायम गरिएको छ।