काठमाडौं ।
मेटाले सोमबार अष्ट्रेलियालाई १६ वर्ष मुनिका किशोरहरूको लागि विश्वकै पहिलो सामाजिक सञ्जाल प्रतिबन्ध पुनर्विचार गर्न आग्रह गरेको छ। यसैबीच कम्पनीले नयाँ कानुन अनुसार पाँच लाख ४४ हजार भन्दा बढी खाता ब्लक गरेको जनाएको छ।
गत वर्ष डिसेम्बर १० देखि अष्ट्रेलियाले मेटा, टिकटक र यूट्युबजस्ता ठूला प्लेटफर्महरूलाई अवयस्क प्रयोगकर्ताहरूले खाता नखोल्ने आवश्यकता लगाएको छ। कानुन पालनामा यथोचित कदम नलिएको खण्डमा कम्पनीहरूले (३३ लाख अमेरिकी डलर) जरिवाना भोग्नुपर्नेछ।
मेटाका संस्थापक मार्क जुकरबर्गले , इन्स्टाग्रामबाट तीन लाख ३१ हजार फेसबुकबाट एक लाख ७३ हजार र थ्रेड्सबाट ४० हजार भन्दा बढी खाता हटाइएको छ। कम्पनीले कानुन पालनामा प्रतिबद्धता जनाएको छ।
मेटाले विज्ञप्तिमा भनेको छ, “त्यसो भए पनि, हामी अष्ट्रेलियन सरकारले उद्योगसँग मिलेर सुरक्षित, गोपनीयता सुरक्षित, उमेर अनुसार उपयुक्त अनुभव प्रदान गर्ने उपाय खोज्न आह्वान गर्दछौं।”
कम्पनीले पुनः अघिल्लो आह्वान दोहोर्याउँदै भनेको छ कि एप स्टोरहरूले मानिसहरूको उमेर प्रमाणित गर्न र १६ वर्ष मुनिका बालबालिकाले एप डाउनलोड गर्नुअघि अभिभावकको स्वीकृति लिनु पर्ने छ। यसले मात्र किशोरहरूलाई प्रतिबन्ध बचाएर नयाँ एपतर्फ सर्नबाट रोक्न सक्नेछ।
सरकारले सामाजिक सञ्जाल कम्पनीहरूलाई अष्ट्रेलियाली युवा माथि हुने नोक्सानीको जिम्मेवार बनाउनुपर्ने भनेको छ। सरकारी विज्ञप्तिमा भनिएको छ, “मेटा जस्ता प्लेटफर्महरूले आफ्ना प्रयोगकर्ताहरूको डाटा व्यावसायिक उद्देश्यका लागि सङ्कलन गर्छन्। उहाँहरूले उक्त जानकारी प्रयोग गरेर अष्ट्रेलियाली कानुन पालन गर्न र १६ वर्ष मुनिका मानिसहरूलाई प्लेटफर्ममा नराख्न सुनिश्चित गर्न सक्नुहुनेछ।”
मेटाले अभिभावक र विज्ञहरूलाई पनि उद्धृत गर्दै भनेको छ,“प्रतिबन्धले किशोरहरूलाई अनलाइन समुदायबाट अलग पार्न सक्छ र केहीलाई कम नियन्त्रित एप तथा इन्टरनेटका अन्धकारमय भागतर्फ धकेल्न सक्छ। प्रारम्भिक प्रभावले ‘अष्ट्रेलियाली किशोरहरूको सुरक्षा र भलाइ बढाउने उद्देश्य पूरा भएको छैन’ भन्ने देखाएको कम्पनीको भनाइ छ।”
उमेर निर्धारण गर्ने उद्योग मानकको अभावप्रति चिन्ता व्यक्त गर्दै, मेटाले अष्ट्रेलियाली कानुनको पालना ‘बहु–स्तरीय प्रक्रिया’ हुने बताएको छ। प्रतिबन्ध लागू भएदेखि कम्पनीले ओपनएज इनिसियेटिभ नामक गैर–नाफामूलक समूह स्थापना गरेर सहभागी प्लेटफर्महरूसँग प्रयोग गर्न मिल्ने उमेर–प्रमाणीकरण उपकरण एजेकीज (एजकीज) सुरु गरेको छ।-रासस/एएफपी
प्रकाशित: २८ पुष २०८२, सोमबार
