रोयल्टी तथा ग्रामीण दूरसञ्चार विकास कोष रकम दाखिला गर्ने इन्टरनेट सेवा प्रदायकलाई ३५ दिने अल्टिमेटम

काठमाडौं ।

नेपाल दूरसञ्चार प्राधिकरणले रोयल्टी तथा ग्रामीण दूरसञ्चार विकास कोष रकम दाखिला गर्न सम्बन्धित सबै पक्षलाई ३५ दिने म्याद दिएको छ।

प्राधिकरणबाट इन्टर्नेट (ईमेल सहित ) सेवाको अनुमतिपत्र प्राप्त गरी सेवा सञ्चालन गरिरहेका विभिन्न सेवा प्रदायकहरूले विगत केही वर्षदेखि नेपाल सरकार र प्राधिकरणलाई नियमानुसार बुझाउनु पर्ने लेखा परीक्षण विवरण, रोयल्टी रकम तथा ग्रामीण दूरसञ्चार विकास कोष बापतको रकम निर्धारित समयभित्र बुझाउनु पर्नेमा बुझाएको नदेखिएकोले यो कदम अगाडि बढाइएको हो।

‘हालसम्म तिर्न बुझाउनु पर्ने बक्यौता रकम समेत नियमानुसार दाखिला गर्न प्राधिकरणबाट पटक-पटक पत्राचार, इमेल तथा सूचना मार्फत जानकारी गराउँदा समेत विवरण सहित बाँकी बक्यौता रकम दाखिला गरी जानकारी नगराई प्राधिकरणको सम्पर्कमा समेत नआएको हुँदा यो सूचना प्रकाशन भएको मितिले ३५ (पैंतीस) दिनभित्र नियमानुसारको विवरण, कागजात सहित बांकी बक्यौता रकम भुक्तानी गरी प्राधिकरणमा जानकारी गराउनका लागि यसै सूचना मार्फत सम्बन्धित सबैलाई जानकारी गराइन्छ’, सूचनामा उल्लेख छ।

प्राधिकरणले उक्त अवधिभित्र विवरण तथा बक्यौता रकम दाखिला नगरेमा दूरसञ्चार ऐन, २०५३ को दफा २८ बमोजिम कारवाहीको प्रक्रिया अगाडी बढाइने चेतावनी पनि दिएको छ।

सेवा प्रदायकको नामावली