काठमाडौं ।
एनिमेशन चलचित्र ‘अवतार’का निर्देशक जेम्स क्यामरुनले जेनेरेटिभ एआईलाई ‘डरलाग्दो’ भएको बताएका छन्।
जेम्स क्यामरुनका फिल्महरू, विशेषगरी ‘अभातार’ श्रृंखला, दृश्य प्रभाव प्रविधिको अत्याधुनिक प्रयोगका लागि चिनिन्छन् जहाँ निलो ना भी पात्रहरूलाई परफर्मेन्स क्याप्चरमार्फत जीवित जस्तै देखाइन्छ।
तर यतिले मात्र क्यामरुन जेनेरेटिभ एआईका प्रशंसक हुँदैनन्।
टेकक्रञ्चका अनुसार ‘अवतार: फायर एन्ड एश’ रिलिजअघिको सन्दर्भमा सीबीएस सन्डे मर्निङलाई दिएको अन्तर्वार्तामा उनले परफर्मेन्स क्याप्चर (जहाँ कलाकारको अभिनय डिजिटल कलाकारहरूको लागि टेम्पलेटका रूपमा रेकर्ड गरिन्छ) सतही रूपमा जेनेरेटिभ एआई जस्तै सुनिन सक्छ तर वास्तविकतामा यो “ठ्याक्कै उल्टो” भएको बताए।
उनले भने, “वर्षौँसम्म मानिसहरूले सोचे, ‘ओहो, उनीहरूले कम्प्युटरबाट केही अजीब गरिरहेका छन् र कलाकारहरूलाई प्रतिस्थापन गर्दैछन्।’ तर वास्तवमा, गहिरिएर हेर्दा यो कलाकार र निर्देशकबीचको क्षणको उत्सव हो।”
सीबीएसको रिपोर्टमा ‘अवतार’ कलाकारहरूले २ लाख ५० हजार ग्यालोन पानी ट्याङ्कीमा पानीमुनि अभिनय गरिरहेको दृश्यसमेत देखाइएको छ। क्यामरुनले थपे, “यसको अर्को छेउमा जेनेरेटिभ एआई छ, जहाँ एउटा पात्र, एउटा कलाकार, पूरा अभिनयसमेत पाठको आधारमा शून्यबाट बनाइदिन सक्छ। होइन, त्यो डरलाग्दो छ… हामीले गर्ने काम त्यसको ठ्याक्कै विपरीत हो।”
प्रकाशित: १६ मंसिर २०८२, मंगलवार
