Technology Khabar १६ मंसिर २०८२, मंगलवार
काठमाडौं ।
भिभो एक्स३०० अल्ट्रा अब एक्स३०० लाइनअपको अन्तिम थप र एक्स२०० अल्ट्राको उत्तराधिकारी हुने भएको छ। भिभोले अल्ट्रा मोडेलको बारेमा कुनै आधिकारिक विवरण साझा नगरेको भए तापनि पछिल्लो लीकले डिभाइसको ब्याट्री क्षमता र अपेक्षित लन्च विन्डोको बारेमा खुलासा गरेको छ।
एक टिपस्टरका अनुसार, एक्स३०० अल्ट्राको लन्च २०२६ को पहिलो त्रैमासिकको लागि निर्धारित गरिएको बताइएको छ। एक्स३०० अल्ट्राको निर्धारित लन्च कार्यक्रम २०२५ अप्रिलमा एक्स२०० अल्ट्राको डेब्यूसँग मिल्दोजुल्दो छ।
त्यसैगरी, टिपस्टरले भिभोको आगामी फ्ल्यागशिप फोनमा ७,०००एमएएच ब्याट्री हुने उल्लेख गरेको छ। एक्स२०० अल्ट्रामा भने ६,०००एमएएच सेल समावेश गरिएको थियो र नयाँ एक्स३०० प्रोमा ६,५१०एमएएच युनिट समावेश गरिने छ।
भिभो एक्स३०० अल्ट्रामा डुअल २०० मेगापिक्सेल क्यामरा र ठूलो ५० मेगापिक्सेलको अल्ट्रावाइड सेन्सर प्रदान गर्ने अफवाह गरिएको छ भने डिभाइस विश्वव्यापी रूपमा उपलब्ध हुने जीएसएमएरिनाले रिपोर्ट गरेको छ।
प्रकाशित: १६ मंसिर २०८२, मंगलवार
