गुगलले ९ वर्षपछि “एसिस्टेण्ट” विकल्प बन्द गर्दै; जेमिनीले प्रतिस्थापन गर्ने

काठमाडौं ।

गुगलले नौ वर्षपछि आफ्नो सबैभन्दा लोकप्रिय सेवाहरू मध्ये एकलाई अवकाश दिने तयारी गरिरहेको छ। नियमित रूपमा आफ्ना उत्पादनहरू र एपहरू अवकाश दिने भनेर परिचित रहेको टेक जायन्टले चाँडै नै लोकप्रिय गुगल एसिस्टेण्टलाई बिदाइ दिने भएको छ। साथै कम्पनीले अब गुगल एसिस्टेण्टलाई आफ्नो नयाँ र सबैभन्दा शक्तिशाली आर्टिफिसियल इन्टेलिजेन्स प्रणाली जेमिनीले प्रतिस्थापन गर्ने बताइएको छ।

सिरी र एलेक्सा जस्ता अन्य एसिस्टेण्टहरूको प्रतिस्पर्धीको रूपमा २०१६ मा सुरु भएको गुगल एसिस्टेण्टको प्रयोगमा प्रतिबन्ध लगाउने प्रक्रिया अर्को वर्षको सुरुमा सुरु हुने उल्लेख गरिएको छ।

आधिकारिक घोषणाहरू अनुसार, प्रतिस्थापन गर्ने कार्य मार्च २०२६ सम्ममा पूरा हुनुपर्ने बताइएको छ। त्यतिन्जेलसम्म, गुगल एसिस्टेण्ट अझै पनि प्रयोगको लागि उपलब्ध हुनेछ।

प्रयोगकर्ताहरूले जेमिनीमा धेरै उन्नत क्षमताहरू प्राप्त गर्ने अपेक्षा गरिएको छ। गुगल एसिस्टेण्ट जस्तै भ्वाइस कमाण्डहरू बुझ्नुको साथै जेमिनीले थप प्राकृतिक सञ्चार, थप उन्नत रिक्वेस्ट प्रोसेसिङ र गुगल एपहरू र सेवाहरूसँग सजिलो एकीकरणको लागि अनुमति दिने उल्लेख गरिएको छ।

त्यसबाहेक जेमिनीले फोनमा एसिस्टेण्टलाई मात्र प्रतिस्थापन नगरी ट्याब्लेट, कार, हेडफोन, स्मार्टवाच जस्ता विभिन्न डिभाइसहरूको लागि एक मात्र एसिस्टेण्ट बन्ने योजना रहेको उल्लेख गरिएको छ भने भविष्यमा स्पिकर, टिभी र स्मार्ट डिस्प्ले जस्ता घरेलु डिभाइसहरूको लागि पनि उपलब्ध हुने टेलिग्राफले रिपोर्ट गरेको छ।