च्याटजीपीटीले किन समय देखाउन सक्दैन?

काठमाडौं ।

धेरै च्याटबटहरू जस्तै च्याटजीपीटीले पनि आफूलाई पर्सनल एसिस्टेण्टको रूपमा प्रस्तुत गर्दछ।

तर च्याटजीपीटीलाई भ्रमित पार्ने धेरै कुराहरू भएको र तिनीहरू मध्ये एउटा भनेको च्याटजीपीटीले समय बताउन नसक्ने अनौठो तथ्य रहेको उल्लेख गरिएको छ।

च्याटजीपीटीलाई कति बज्यो भनेर सोध्दा सही जवाफ नदिने भर्जले रिपोर्ट गरेको छ।

“मसँग तपाईंको डिभाइसको रियल–टाइम क्लक वा तपाईंको स्थानमा पहुँच छैन, त्यसैले म तपाईंलाई सही स्थानीय समय बताउन सक्दिन” भनि च्याटबटले प्रायः भन्ने गरेको छ।

कहिलेकाहीँ च्याटजीपीटीले शहर वा समय क्षेत्र निर्दिष्ट गर्न सोध्ने गदर्छ। यद्यपि त्यसरी पनि च्याटजीपीटीले समय जाँच गर्न नसक्ने उल्लेख गरिएको छ।

समयको मुद्दा प्रायः रेडिट र च्याटजीपीटी फोरमहरूमा उठाइने गरिएको छ।

एक प्रयोगकर्ताले ओपनएआईलाई “मुद्दामा ध्यान दिन” आग्रह गरेको बताइएको छ। उक्त उक्त समस्याले “संज्ञानात्मक एआई मोडेलहरूको नाम खराब हुन्छ” थप बताएको उल्लेख गरिएको छ।

प्रत्येक कम्प्युटर र फोन भित्र चल्ने साना चिप्सका कारण समय बताउन सजिलो हुने उल्लेख गरिएको छ।

च्याटजीपीटी, गुगलको जेमिनी, एन्थ्रोपिकको क्लाउड र अन्यलाई शक्ति दिनका लागि तयार पारिएका ठूला भाषा र भिजुअल मोडेलहरू जस्ता जेनेरेटिभ एआई प्रणालीहरू एकदमै फरक उद्देश्यका लागि बनाइएका हुन्छन्।

पूर्वनिर्धारित रूपमा, तिनीहरूले प्रयोगकर्ताहरूको प्रश्नहरू लिन्छन् र तिनीहरूको प्रशिक्षण डाटाको आधारमा उत्तरहरूको अनुमान गर्दछन्।

त्यसैगरी मौसम जस्ता चीजहरूको बारेमा रियल–टाइम अपडेटहरू समावेश नहुने र जानकारीको लागि विशेष रूपमा इन्टरनेटमा खोज्नु पर्ने टेलिग्राफले रिपोर्ट गरेको छ।