एमडब्ल्यूसी अघि नै अनर रोबोट फोन प्रदर्शन

काठमाडौं ।

यस वर्षको सुरुवातमा अनरले पछाडि रोबोटिक आर्म (हात)मा जोडिएको गिम्बल क्यामरा भएको कन्सेप्ट स्मार्टफोनको रुपमा आफ्नो रोबोट फोनको बारेमा जानकारी गराएको थियो।

यो डिभाइस मार्चमा एमडब्ल्यूसी २०२६ मा आधिकारिक रूपमा लन्च हुने पुष्टि भए पनि अनरले चीनमा आफ्नो अनर युजर कार्निभलको समयमा एमडब्ल्यूसी अघि नै पूर्वावलोकन आयोजना गर्ने निर्णय गरेको छ।

रोबोट फोनको यो पहिलो झलकमा विभिन्न डिजाइन पुनरावृत्तिहरू, रङ विकल्पहरू र यसको प्रमुख बिक्री बिन्दु मानिएको गिम्बल क्यामरा देख्न पाइने उल्लेख गरिएको छ।

अनरले रोबोट फोनलाई कालो, सेतो र सुनौलो रङ्गहरूमा उपलब्ध गराउने बताइएको छ भने रङ्गको आधारमा, पछाडि नक्कली छाला वा ग्लास ब्याक हुनेछ। डिभाइसको पछाडिको भागमा एल्युमिनियम चेसिस र क्यामरा आइल्याण्ड मुनि ग्लास विन्डो भएको आईफोन १७ प्रो जस्तो डिजाइन रहेको छ।

क्यामरा आइल्याण्डमा रहेको रिसेसेड क्षेत्रबाट गिम्बल क्यामराले रिट्र्याक्ट गर्ने बताइएको छ। रोबोट फोनमा धेरै एआई सुविधाहरू हुने अपेक्षा गरिएको र यसले गिम्बललाई सार्नेदेखि लिएर देखेको कुरासँग अन्तक्र्रिया गर्न अनुमति दिने बताइएको छ।

अनरले रोबोट फोन व्यावसायिक रुपमा लन्च गर्नेछ वा यो प्रोटोटाइपको रूपमा रहनेछ भन्ने कुराको पुष्टि नगरे पनि एमडब्ल्यूसी २०२६ सम्मका महिनाहरूमा थप विवरणहरू प्राप्त गरिने जीएसएमएरिनाले रिपोर्ट गरेको छ।