ह्वावे मेट ७० एयर अनावरण; ७ इन्चको डिस्प्ले, ६,५०० एमएएच ब्याट्री समावेश

काठमाडौं ।

ह्वावे मेट ७० एयर आधिकारिक रूपमा चीनमा लन्च गरिएको छ। साथै ह्वावे मेट ७० एयर अब स्लिम र लाइट प्रिमियम फोनहरूको एयर ट्रेन्डमा सामेल हुने पछिल्लो स्मार्टफोन बनेको छ।

यो फोन ठूलो ७ इन्चको डिस्प्ले र ६.६ एमएम बडीको साथ आउँछ। एएमओएलईडी डिस्प्लेले १२० हर्जको रिफ्रेस रेट र २७६० × १३२० पिक्सेलको रिजोल्युसनलाई समर्थन गर्दछ।

६.६ एमएम स्लिम साइजको फोनमा ६६ वाट वायर्ड चार्जिङको साथ ६,५०० एमएएच ब्याट्री प्याक गरिएको छ। डिभाइसको तौल २०८ ग्राम रहेको छ र आईपी६८/आईपी६९ पानी र धुलो प्रतिरोध प्रदान गर्दछ।

यो फोनले र्याममा आधारित दुई प्रोसेसर विकल्पहरू प्रदान गर्दछ। १२ जीबी र्याम भेरियन्ट किरिन ९०२०ए एसओसी द्वारा संचालित हुन्छ भने १६ जीबी र्याम मोडेलले किरिन ९०२०बी चिपसेट प्रयोग गर्दछ।

मेट ७० एयरको पछाडिको भागमा एफ/१.८ एपर्चर र ओआईएस सहितको प्राथमिक ५० मेगापिक्सेलको वाइड क्यामरा रहेको छ। साथै डिभाइसमा ३× अप्टिकल जुम र ओआईएस सहितको १२ मेगापिक्सेल आरवाईवाईबी टेलिफोटो युनिट, ८ मेगापिक्सेल अल्ट्रावाइड क्यामरा र १.५ मेगापिक्सेल कलर सेन्सर पनि समावेश गरिएको छ। त्यसैगरी सेल्फी र भिडियो कलिङको लागि, फोनले अगाडि १०.७ मेगापिक्सेल क्यामरा प्रदान गर्दछ।

यो फोनले हार्मोनीओएस ५.१ मा चल्ने र धेरै एआई सुविधाहरू प्रदान गर्दछ। फोनका अन्य विशेषताहरूमा साइड–माउन्टेड फिङ्गरप्रिन्ट स्क्यानर, वाई–फाई ७, एलई सहितको ब्लुटुथ ५.२, हाई–रेजोल्युसन अडियो, बेइडो स्याटेलाइट कम्युनिकेसन, एनएफसी र ५वाटमा रिभर्स वायर्ड चार्जिङ समावेश छ।

ह्वावेको मेट ७० एयर गोल्ड र सिल्भर ब्रोकेड, ह्वाइट फेदर रोब र ओब्सिडियन ब्ल्याक रङ्गहरूमा उपलब्ध छ। फोन हाल चीनमा आधिकारिक ह्वावे अनलाइन स्टोर मार्फत खरिदको लागि उपलब्ध छ।

१२जीबी/२५६जीबी विकल्पको मूल्य ४,१९९ चिनियाँ युआन (५९० अमेरिकी डलर) कायम गरिएको छ भने १२जीबी/५१२जीबी भेरियन्टको मूल्य ४,६९९ चिनियाँ युआन (६६० अमेरिकी डलर) रहेको छ। त्यसैगरी १६ जीबी/२५६ जीबी भेरियन्टमा रहेको ह्वावे मेट ७० एयरको मूल्य ४,६९९ चिनियाँ युआन (६६० अमेरिकी डलर) र १६ जीबी/५१२ जीबी मोडेलको मूल्य ५,१९९ चिनियाँ युआन (७३० अमेरिकी डलर) पर्ने जीएसएमएरिनाले रिपोर्ट गरेको छ।