आइफोन १७ सिरिज चीन र अमेरिकामा प्रारम्भिक बिक्रीमा अघिल्लो मोडलभन्दा १४ प्रतिशत बढी बिक्री: रिपोर्ट

काठमाडौं ।

एप्पलको आइफोन १७ सिरिजले चीन र अमेरिकामा प्रारम्भिक बिक्रीमा अघिल्लो मोडलभन्दा १४ प्रतिशत बढी बिक्री गरेको अनुसन्धान कम्पनी काउन्टरपोइन्टले सोमबार जनाएको छ।

रिपोर्टअनुसार आइफोन १७ सिरिजले चीन र अमेरिकामा उपलब्ध भएको पहिलो १० दिनमै आइफोन १६ सिरिजको तुलनामा १४ प्रतिशत बढी बिक्री गरेको रोयटर्सले उल्लेख गरेको छ ।

रिपोर्टले चीनमा आधारभूत मोडल आइफोन १७ को बिक्री सोही अवधिमा आइफोन १६ को तुलनामा झण्डै दोब्बर भएको बताएको छ। दुई देशको संयुक्त बजारमा पनि यसको बिक्री ३१ प्रतिशतले बढेको छ। कम्पनीकी वरिष्ठ विश्लेषक मङ्मङ झाङका अनुसार, “आइफोन १७ को आधारभूत मोडल उपभोक्ताका लागि निकै आकर्षक छ, जसले मूल्यअनुसार राम्रो मूल्य प्रदान गर्छ।”

उनका अनुसार, “अझ राम्रो चिप, सुधारिएको डिस्प्ले, बढी आधारभूत स्टोरेज र अपग्रेड गरिएको सेल्फी क्यामेराजस्ता विशेषता यस वर्ष पनि आइफोन १६ को समान मूल्यमा उपलब्ध छन्।”

एप्पलले आइफोन १७ सिरिज सेप्टेम्बरमा चीनसहित विश्वभर सार्वजनिक गरेको थियो।