आईफोन एयरको बिक्री निराशाजनक, एप्पलले उत्पादन दस लाख युनिटले घटायो

काठमाडौं ।

हालैको एक रिपोर्टले अन्य एस२५ मोडेलहरूको तुलनामा आफ्नो अति–पातलो डिजाइन र सानो ब्याट्रीको लागि परिचित सामसङको ग्यालेक्सी एस२५ एजले बिक्रीमा संघर्ष गरिरहेको खुलासा गरिएको छ। फलस्वरूप, कम्पनीले अर्को वर्षको लाइनअपबाट ग्यालेक्सी एस२६ एज रद्द गरेको र यसलाई ग्यालेक्सी एस२६ प्लसले प्रतिस्थापन गर्ने बताइएको छ। यद्यपि ग्यालेक्सी एस२६ प्लसलाई पहिले बन्द गर्ने सोचिएको थियो। अब, एप्पलको पनि यस्तै अवस्था देखा पर्दै गएको देखिएको छ र एक नयाँ रिपोर्टले आईफोन एयरले आफ्नो चिल्लो, अति–थिन (पातलो) फर्म फ्याक्टर (कारक) र फ्ल्यागशिप–लेभल (स्तर) स्पेसिफिकेसनहरूको बावजुद अपेक्षा भन्दा ढिलो बिक्रीको सामना गरिरहेको दाबी गरेको छ।

आईफोन एयरको माग अन्य आईफोन १७ मोडेलहरू भन्दा कमः
जापानको मिजुहो सेक्युरिटीजलाई उद्धृत गर्ने द इलेक ले अनुमानित मागभन्दा कम भएका कारण एप्पलले यस वर्ष आईफोन एयरको उत्पादन लगभग दस लाख युनिटले घटाउने अपेक्षा गरिएको बताएको छ।

एप्पलले आईफोन १७, आईफोन १७ प्रो र आईफोन १७ प्रो म्याक्सको उत्पादन कुल २० लाख युनिटले बढाउने योजना बनाएको उल्लेख गर्दै गर्दा यो कदम कम्पनीको फराकिलो आईफोन रणनीतिसँग विपरित रहेको बताइएको छ। आईफोन १७ लाइनअपको समग्र उत्पादन पूर्वानुमान सन् २०२६ को सुरुवातमा ८ करोड ८० लाखबाट ९ करोड ४० लाख युनिटमा परिमार्जन गरिएको छ।

चीनमा यसको आफ्नो सुरुवात चरणमा आईफोन एयर चाँडै बिक्री भएको रिपोर्ट गरिएको भए पनि, पश्चिमी बजारहरूमा यसको स्वागत बढी मौन रहेको जनाइएको छ। विश्लेषकहरूले यस मोडेलको मूल्य निर्धारण र स्पेसिफिकेसनहरूले यसको आकर्षण सीमित गरेको हुन सक्ने सुझाव दिएका छन् भने उपभोक्ताहरूले यसको मूल्यको लागि आईफोन १७ वा तिनीहरूको उन्नत क्यामरा प्रणाली र प्रिमियम सुविधाहरूको लागि आईफोन १७ प्रो मोडेलहरूलाई प्राथमिकता दिएको बताइएको छ।

आईफोन एयरको कमजोर प्रदर्शनले स्मार्टफोन बजारमा देखिएका प्रवृत्तिहरूलाई प्रतिबिम्बित गरको छ जहाँ अल्ट्रा–थिन (पातलो) डिजाइनहरू प्रायः कम ब्याट्री क्षमता र कम क्यामरा विकल्पहरूको कारण मिश्रित प्रतिक्रियाहरू प्राप्त गर्ने गरेका छन्।

कटौतीको बावजुद, एप्पलको समग्र आईफोन १७ सिरिज हालका वर्षहरूमा यसको सबैभन्दा बलियो प्रदर्शनकर्ताहरू मध्ये एक रहेको र विश्वव्यापी रूपमा उच्च माग कायम राखेको गीज्मोचाइनाले रिपोर्ट गरेको छ।