Technology Khabar २ कार्तिक २०८२, आईतवार
काठमाडौं ।
ह्वावेले नोभा फ्लिप एसको साथ चीनमा आफ्नो पछिल्लो फ्लिप फोल्डेबल अनावरण गरेको छ। यो मोडेल गत वर्ष अगस्टमा लन्च गरिएको नोभा फ्लिपसँग धेरै मिल्दोजुल्दो छ तर नोभा फ्लिप एस मोडेलले नयाँ रङहरू र संशोधित मूल्य प्रस्तुत गर्दछ।
नोभा फ्लिप एस फेदर ब्ल्याक, ह्वाइट, अजुर ब्लू, ग्रिन, सफ्ट पिङ्क वा स्टार ब्ल्याक रङहरूमा ङ्कपलब्ध भएको बताइएको छ। ह्वावेले ८/२५६जीबी ट्रिमको लागि फोनको सुरुवाती मूल्य ३,३८८ चिनियाँ युआन (४७५ अमेरिकी डलर) कायम गरेको छ। यस मूल्यले नोभा फ्लिप एस लाई चीनमा सबैभन्दा किफायती फोल्डेबलहरू मध्ये एक बनाउँदछ।
फोनमा अज्ञात किरिन ८ सिरिज समावेश गरिएको छ जुन सबैभन्दा भर्खरको अफवाहहरूले किरिन ८०३० भएको दावी गरेको छ। नियमित नोभा फ्लिपले किरिन ८००० प्रयोग गरेको छ।
फोनको बाँकी स्पेसिफिकेशनहरू भने नोभा फ्लिपसँग मिल्दोजुल्दो रहेका छन्। यस नोभा फ्लिप एसमा २.१४ इन्चको ओएलईडी कभर डिस्प्ले, ६.९४ इन्चको एलटीपीओ ओएलईडी (एफएचडी+ १–१२०हर्ज) र ६६वाट वायर्ड चार्जिङ भएको ४,४००एमएएच ब्याट्री समावेश गरिएका छन्।
नोभा फ्लिप एसको क्यामराहरूमा १/१.५६ इन्चको आरवाईबीबी सेन्सर र एफ/१.९ एपर्चर भएको ५० मेगापिक्सेल मुख्य शूटर, ८ मेगापिक्सेल अल्ट्रावाइड लेन्स र ३२ मेगापिक्सेल फ्रन्ट–फेसिङ क्यामरा समावेश गरिएका छन्। ह्वावे नोभा फ्लिप एसले हार्मनीओएस ५.१ बुट गर्दछ र हाल चीनमा प्रि–अर्डरमा रहेको जीएसएमएरिनाले रिपोर्ट गरेको छ।
प्रकाशित: २ कार्तिक २०८२, आईतवार
