अनरले म्याजिक८ सिरिजअन्तर्गत अनर म्याजिक८ प्रो अनावरण गर्यो

काठमाडौं ।

अनरले आधिकारिक रूपमा चीनमा नयाँ म्याजिक८ र म्याजिक८ प्रो अनावरण गरेको छ। अनरका पछिल्ला फ्ल्यागशिप फोनहरूले नयाँ एआई बटन सहित धेरै नयाँ अपग्रेडहरू प्रदान गर्दछन्। दुवै फोनहरू स्न्यापड्रागन ८ एलिट जेन ५ चिपसेट द्वारा सञ्चालित छन्।

अनर म्याजिक८ प्रोको स्पेसिफिकेसनः

अनर म्याजिक८ प्रो ले २०० मेगापिक्सेल टेलिफोटो युनिटको साथ ट्रिपल रियर क्यामरा सेटअप प्रदान गर्दछ जसले एफ/२.६ एपर्चर लेन्सको साथ १/१.४–इन्च सेन्सर प्रयोग गर्दछ। यसले ३.७× अप्टिकल जुम र ओआईएसलाई समर्थन गर्दछ।

साथै १/१.३–इन्च सेन्सर, एफ/१.६ एपर्चर र ओआईएस सहितको ५० मेगापिक्सेल प्राथमिक क्यामरा पनि रहेको छ। क्यामरा सेटअपमा ५० मेगापिक्सेलको अल्ट्रावाइड क्यामरा पनि रहेको छ जसले १२२ डिग्री एफओभी प्रदान गर्दछ।

फोनमा १२०हर्ज रिफ्रेस रेट, १२५६ × २८०८ पिक्सेल रिजोल्युसन र ६,००० निट्स पीक ब्राइटनेसको साथ ६.७१–इन्चको ओएलईडी एलटीपीओ डिस्प्ले समावेश गरिएको छ।

साथै फेस अनलकको लागि ५० मेगापिक्सेलको फ्रन्ट क्यामरा र थ्रीडी डेप्थ क्यामरा पनि समावेश गरिएको छ। अनरले ३डी अल्ट्रासोनिक फिङ्गरप्रिन्ट स्क्यानर पनि समावेश गरेको छ।

चीनको लागि म्याजिक८ प्रोमा ७,२००एमएएच सिलिकन–कार्बाइड ब्याट्री समावेश गरिएको छ भने ईयू संस्करणमा सानो ६,२७०एमएएच सेल उपलब्ध हुने बताइएको छ। यस ब्याट्रीले १००वाट सम्म वायर्ड र ८०वाट वायरलेस चार्जिङ समर्थन गर्दछ।

फोनले म्याजिकओएस १० चलाउँदछ भने धेरै एआई सुविधाहरू र योयो एजेन्ट प्रदान गर्दछ। समावेश गरिएको एआई बटन कस्टमाइजेबल (अनुकूलन योग्य) रहेको र लामो समयसम्म थिचेर (लङ्ग–प्रेस) एआई सहायक पहुँच गर्नुका साथै अन्य कार्यहरू गर्न दिनेछ।

म्याजिक८ प्रोले आईपी६८/आईपी६९/आईपी६९के मूल्याङ्कन प्रदान गर्दछ र सनराइज गोल्ड, स्काई सायन र कालो रङ्गहरूमा उपलब्ध हुनेछ। यो डिभाइस ८.४ एमएम बाक्लो र तौल २१३ ग्राम रहेको छ।

म्याजिक८ सिरिजका दुवै फोनहरू चीनमा प्रि–अर्डरको लागि उपलब्ध छन् र पहिलो बिक्री अक्टोबर २३ मा सुरु हुनेछ। १२जीबी र्याम र २५६जीबी स्टोरेज भएको म्याजिक८ प्रो को मूल्य ५,६९९ चिनियाँ युआन (८०० अमेरिकी डलर) कायम गरिएको छ। यो फोन १२जीबी/५१२जीबी भेरियन्टमा पनि उपलब्ध हुनेछ जसको मूल्य ५,९९९ चिनियाँ युआन (८४० अमेरिकी डलर) पर्नेछ भने १६जीबी/५१२जीबी भेरियन्टको मूल्य ६,१९९ चिनियाँ युआन (८७० अमेरिकी डलर) र १६जीबी/१टीबी भेरियन्टको मूल्य ६,६९९ चिनियाँ युआन (९४० अमेरिकी डलर) हुनेछ।

त्यसैगरी अनरले म्याजिक८ सिरिज चाँडै नै विश्वव्यापी बजारमा आउने पुष्टि गरेको जीएसएमएरिनाले रिपोर्ट गरेको छ।