गुगल पिक्सेल १० प्रो फोल्ड ‘एक्सट्रिम ड्युरेबेलिटी टेस्ट’ को क्रममा विस्फोट

काठमाडौं ।

गत हप्ता बिक्रीमा आएको गुगलको ब्राण्ड नयाँ पिक्सेल १० प्रो फोल्डको एक्सट्रिम ड्युरेबेलिटी टेस्ट (अत्यधिक टिकाउपन परीक्षण) गरिएको छ। परीक्षणको नतिजाले फोल्डेबल गुगलले दावी गरेजस्तो टिकाउ नहुन सक्छ भन्ने सुझाव दिएको छ।

जेरीरिगएभरिथिङका युट्युबर ज्याक नेल्सनले आफ्नो स्ट्याण्डर्ड सिरिजअन्तर्गत पिक्सेल १० प्रो फोल्डको ड्युरेबेलिटी टेस्ट (परीक्षण) गरेको बताइएको छ। फोल्डेबलले ती मध्ये धेरैमा संघर्ष गरेको बेण्ड टेस्टले अन्ततः फोनलाई असर गरेको उल्लेख गरिएको छ।

यद्यपि हिञ्जले दृढतापूर्वक आफ्नो पकड जमाए तापनि पिक्सेल १० प्रो फोल्ड एन्टेना लाइनहरूमा स्न्याप (फुट्ने/टुक्रिने) भएको बताइएको छ। गत वर्षको पिक्सेल ९ प्रो फोल्डमा पनि उस्तै कमजोरीहरू देखिएका थिए। यद्यपि, ब्रेक पछिको कुरा अप्रत्याशित थियो।

त्यसैगरी परीक्षणको क्रममा पिक्सेल १० प्रो फोल्डको ब्याट्री विस्फोट भएको र धुवाँको बादल निस्किएको जनाइएको छ। साथै युट्युबरले प्रत्येक फोल्डेबल फोनमा उही बेण्ड टेस्ट गर्ने गरेको र ब्याट्री विस्फोट भने यो पहिलो पटक भएको उल्लेख गरिएको छ।

यो एक्सट्रिम ड्युरेबेलिटी टेस्ट (अत्यधिक टिकाउपन परीक्षण) हो भन्ने कुरालाई ध्यानमा राख्दै सामान्य प्रयोगमा भने यस्तो ब्याट्री विस्फोट हुने सम्भावना धेरै कम हुने बताइएको छ।

गुगल पिक्सेल १० प्रो फोल्डको मूल्य अमेरिकामा १,७९९ अमेरिकी डलर बाट सुरु हुन्छ र युरोपमा १,८९९ यूरो पर्ने जीएसएमएरिनाले रिपोर्ट गरेको छ।