काठमाडौं ।
गुगलको एआई नानो बनाना ईमेज इडिटर गत महिना लन्च हुँदा भाइरल सनसनी बन्न पुगेको थियो।
यो टुल अब सर्च, नोटबुकएलएम र फोटोज जस्ता अवस्थित गुगल प्रोडक्टहरूको होस्टमा समावेश भइरहेको टेलिग्राफले रिपोर्ट गरेको छ।
साथै नोटबुकएलएमसँगको एकीकरण यहाँ सबैभन्दा उल्लेखनीय भएको बताइएको छ। नानो बनानालाई भिडियो ओभरभ्यूहरूमा आमूल परिवर्तन गर्न प्रयोग गरिँदैछ भने अब वाटरकलर र एनिमे जस्ता ६ ओटा नयाँ शैलीहरू प्रदान गरिने उल्लेख गरिएको छ।
यसले अब स्रोतहरूमा आधारित कन्टेक्स्चुअल इलस्टे«सन (प्रासंगिक चित्रणहरू) उत्पन्न गर्ने र ब्रीफ्स भनिने नयाँ माइक्रो–भिडियो विकल्प पनि उपलब्ध हुने जनाइएको छ।
भिडियो ओभरभ्यूहरू नोटबुकएलएम प्रयोगकर्ताहरूका लागि उपलब्ध एउटा उपयोगी सानो टुल (उपकरण) हो जसले डकुमेण्ट (कागजात) हरूबाट स्वचालित रूपमा व्याख्यात्मक भिडियोहरू उत्पन्न गर्दछ।
साथै यसले भिजुअल्ससँग स्लाइड शो पनि उत्पन्न गर्न सक्ने बताइएको छ। एआई–हेभी अपडेट यस हप्ता प्रो प्रयोगकर्ताहरू र “आगामी हप्ताहरू” मा सबै प्रयोगकर्ताहरूका लागि रोल आउट गरिने छ।
सर्च इन्टिग्रेसनले आधिकारिक गुगल एप प्रयोग गर्दा तस्बिरहरू सिर्जना र सम्पादन गर्ने नयाँ तरिकाहरू प्रदान गर्ने उल्लेख गरिएको छ।
बोटलाई अवस्थित तस्बिरको शैलीकृत संस्करण सिर्जना गर्न अनुरोध गर्ने जस्ता मानिसहरूले च्याट म्यासेज प्रयोग गर्न सक्ने कम्पनीले बताएको छ।
त्यसैगरी, लेन्स टुलबाट सिधै तस्बिरहरू लिन सकिने त्यसपछि एआई प्रयोग गरेर सम्पादन गर्न सकिने छ। यो हाल अमेरिकी ग्राहकहरूको लागि अंग्रेजीमा रोल आउट भइरहेको छ भने निकट भविष्यमा थप देशहरू र भाषाहरू थप गरिनेछन्।
यद्यपि फोटो इन्टिग्रेसन कस्तो देखिनेछ भन्ने बारे कुनै सटीक जानकारी उपलब्ध नभएको बताइएको छ र गुगलले “आगामी हप्ताहरूमा” प्लेटफर्ममा नानो बनाना ल्याउने बताएको छ।
साथै कम्पनीले चाँडै थप विवरणहरू उपलब्ध गराउने वाचा गरेको छ। नानो बनाना एक ईमेज इडिटर हो भने गुगल फोटोज तस्बिरहरू भण्डारण र व्यवस्थित गर्ने सेवा हो। त्यसैले यसमा कुनै न कुनै रूपमा ती भण्डारण गरिएका तस्बिरहरू सम्पादन गर्ने सम्भावना रहेको टेलिग्राफले रिपोर्ट गरेको छ।
प्रकाशित: २९ आश्विन २०८२, बुधबार
