काठमाडौं ।
जेनजी आन्दोलनका क्रममा सिंहदरबार परिसरमा राखिएका सवारीसाधन जलेपछि आजदेखि भारी उपकरण प्रयोग गरेर तिनलाई हटाउन प्रारम्भ भएको छ।
आगजनीमा क्षतिग्रस्त एक हजार सवारीसाधन सडक विभागका चार ओटा भारी उपकरण प्रयोग गरेर ती हटाउन थालिएको विभागले जनाएको छ। हालसम्म २०० ओटा चारपाङ्ग्रे र ४०० दुईपाङ्ग्रे सवारीसाधन व्यवस्थापन गरिएको छ। जलेका सवारीसाधनको व्यवस्थापन नयाँ बानेश्वरस्थित अन्तरराष्ट्रिय सम्मेलन केन्द्र परिसरमा गरिएको छ।
सिंहदरबारभित्र जलेका सवारीको व्यवस्थापन पूरा भएपछि अन्य स्थानका जलेका सवारी उठाइने विभागका कर्मचारी विष्णुकुमार महर्जनले राससलाई जानकारी दिए।
प्रकाशित: २१ आश्विन २०८२, मंगलवार
