सोनीले प्लेस्टेशन ५ प्रो कन्सोलको नयाँ मोडेल तयार पार्यो

काठमाडौं ।

सोनीको प्लेस्टेशन ५ प्रो कन्सोलले सेप्टेम्बरको अन्त्य अघि आफ्नो पहिलो हार्डवेयर रिभिजन (संशोधन) प्राप्त गर्न सक्ने एक प्रतिष्ठित स्रोतले खुलासा गरेको छ।

यद्यपि, यो रिफ्रेस गरिएको संस्करणले कुनै प्रमुख रिडिजाइन वा हार्डवेयर अपडेट ल्याउने सम्भावना कम भएको टेलिग्राफले रिपोर्ट गरेको छ।

पीएस५ प्रो सन् २०२४ को नोभेम्बरमा फ्ल्यागशिप प्लेस्टेशन कन्सोलको रूपमा लन्च गरिनेछ भने सुधारिएको जीपीयू हार्डवेयर र एआई प्रविधिमा आधारित प्लेस्टेशन स्पेक्ट्रल सुपर रिजोल्युसन (पीएसएसआर) भनिने नयाँ ईमेज इनहान्सरको कारणले बेस पीएस५ को तुलनामा प्रमुख पर्फर्मेन्स सुधारहरू गर्ने जनाइएको छ।

मूल्य र स्ट्याण्डर्डको रूपमा डिस्कको अभाव बाहेक पीएस५ प्रोको लागि इनहान्स गरिएका धेरै खेलहरूले यी पर्फर्मेन्स सुधारहरूबाट लाभ उठाएको र हार्डवेयर आफैंले भने धेरै कम आलोचना प्राप्त गरेको उल्लेख गरिएको छ।

यद्यपि, प्रत्येक प्लेस्टेशन कन्सोलको परम्परा जस्तै, पीएस५ प्रो कन्सोलको आन्तरिक कार्यको लागि सोनी व्यस्त भइरहेको जस्तो देखिएको टेलिग्राफले रिपोर्ट गरेको छ।

गत हप्ता युरोपमा बिक्रीमा गएको पीएस५ कन्सोलको हालैको समीक्षा पछि, सोनीले पीएस५ प्रोको लागि पनि त्यस्तै गर्ने तयारी गरिरहेको बताइएको छ।

यस वर्षको सुरुमा जापानमा दायर गरिएको प्रमाणीकरण कागजातहरू अनुसार सोनीले सीएफआई–७१२१ मोडेल नम्बरको साथ नयाँ पीएस५ प्रो मोडेल लन्च गर्ने डिलल्याब्सको एक नयाँ रिपोर्टले दाबी गरेको छ।

यो रिभाइज (संशोधित) गरिएको पीएस५ प्रो मोडेल सेप्टेम्बर ३० मा युरोपमा लन्च हुने बताइएको छ र कम्तिमा बाहिरबाट हेर्दा, कन्सोल हालको संस्करण जस्तै देखिने र महसुस हुने उल्लेख गरिएको छ।

त्यसैगरी सुरुमा यो तथ्य सुन्दा असम्भव जस्तो लागे पनि, पीएस५ प्रो को लागि “स्लिम” संस्करण अस्वीकार गर्न सकिने बताइएको छ। साथै सोनीले राम्रो पावर इफिसियन्सीको लागि पीएस५ प्रोको हार्डवेयर परिमार्जन गरेको हुन सक्ने बिलबिल–कुनले अनुमान गरेको छ।

यदि त्यसो हो भने, नयाँ पीएस५ प्रो मोडेलले कम ताप उत्पादन गर्नेछ र परिणामस्वरूप शान्त रूपमा चल्नेछ। सबैभन्दा महत्त्वपूर्ण कुरा भनेको रिभाइज्ड पीएस५ प्रोले मूल मोडेलको साथ आएको २टीबी एसएसडी कायम राख्नेछ भनि भित्री स्रोतले स्पष्ट पारेको उल्लेख गरिएको छ।

माथि उल्लेखित पीएस५ मोडेलको संशोधनले मूल्य नघटाइ कन्सोलको स्टोरेज १टीबी बाट ८२५जीबी मा घटाएको हुनाले सोनीले नयाँ पीएस५ प्रो मोडेलको साथ यो रणनीति दोहोर्याइरहेको छैन भनेर हेर्नु राहतको कुरा हुने उल्लेख गरिएको छ।

नयाँ पीएस५ प्रो मोडेलको मूल्यको सन्दर्भमा भने कुनै परिवर्तनको अपेक्षा नगरिएको र यो अझै पनि ७९९.९९ यूरोको मूल्यमा बिक्री गरिने जनाइएको छ।

सोनीले के परिवर्तन गरेको छ भन्ने कुरा हेर्न बाँकी हुदाँ नियमित पीएस५ को लागि अघिल्ला हार्डवेयर परिवर्तनहरूलाई हेर्दा, रेडिएटरको आकार र मदरबोर्ड लेआउटमा अप्टिमाइजेसन हुने सम्भावना रहेको बताइएको छ।

यी परिवर्तनहरू अन्ततः बिक्री गरिने प्रति कन्सोलको नाफा मार्जिन बढाउनका लागि भएको बताइएको छ। त्यसैले सोनीले हालको स्तरमा पर्फर्मेन्स कायम राख्दै पीएस५ प्रो मोडेल भित्र सम्भव भएसम्म तामा र प्लास्टिक जस्ता सामग्रीहरूको प्रयोग घटाउने प्रयास गर्ने टेलिग्राफले रिपोर्ट गरेको छ।