शाओमी १७ प्रो म्याक्स सार्वजनिक: स्न्यापड्रागन ८ एलिट जेन ५, ७,५०० एमएएच ब्याट्री तथा सेकेन्डरी डिस्प्ले समावेश

काठमाडौं ।

शाओमीले चीनमा १७ सिरिजको आधिकारिक लन्चसँगै आफ्नो फ्ल्यागशिप लाइनअप विस्तार गरेको छ। कम्पनीले आफ्नो नयाँ शाओमी १७ सिरिज अन्तर्गत शाओमी १७, शाओमी १७ प्रो र शाओमी १७ प्रो म्याक्स मोडेल ल्याएको छ।

शाओमी १७ र १७ प्रो भन्दा माथि राखिएको शाओमी १७ प्रो म्याक्स सिरिजको सबैभन्दा ठूलो डिभाइस हो र कम्पनीको लागि धेरै हार्डवेयर फस्र्टहरू प्रस्तुत गर्दछ। यो डिभाइस सेप्टेम्बर २७ देखि चीनमा उपलब्ध हुनेछ र यसको मूल्य ५,९९९ चिनियाँ युआन (८४२ अमेरिकी डलर) बाट सुरु हुनेछ।

शाओमी १७ प्रो म्याक्स मोडेलमा ६.९–इन्चको एलटीपीओ एएमओएलईडी डिस्प्ले समावेश गरिएको छ। डिस्प्लेले ३,५०० निट्सको पिक ब्राइटनेस र १२० हर्ज रिफ्रेस रेटलाई समर्थन गर्दछ।

साथै कम्पनीको तेस्रो–पुस्ताको ड्र्यागन क्रिस्टल ग्लासको प्रोटेक्सनले बलियो ड्रप प्रतिरोध प्रदान गर्ने दाबी गरिएको छ। क्यामरा मोड्युलमा २.९ इन्चको एएमओएलईडी सेकेन्डरी स्क्रिन पनि राखिएको गरिएको छ जसले नोटिफिकेसनहरू, अलवेज–अन इनफर्मेसन, वा सेल्फीहरूको लागि फ्रेमिङमा द्रुत पहुँच प्रदान गर्दछ।

शाओमी १७ प्रो म्याक्स भित्र क्वालकमको पछिल्लो स्न्यापड्रागन ८ एलिट जेन ५ प्रोसेसर रहेको छ जुन निरन्तर कार्यभारहरू ह्यान्डल गर्न पुनः डिजाइन गरिएको हीटसिङ्कसँग जोडिएको छ। साथै स्टोरेज विकल्पहरू १६ जीबी र्याम र १ टीबी इन्टर्नल स्टोरेज सम्म स्केल अप हुने जनाइएको छ।

शाओमी १७ प्रो म्याक्सको ब्याट्री लाइफ मुख्य विशेषताहरू मध्ये एक भएको र डिभाइसमा ७,५०० एमएएच युनिट रहेको छ जसले फोनलाई धेरै भारी नबनाई क्षमता अधिकतम बनाउन उच्च–सिलिकन डिजाइन प्रयोग गर्दछ।

साथै यस ब्याट्रीले १०० वाट वायर्ड चार्जिङ र ५० वाट वायरलेस चार्जिङलाई समर्थन गर्दछ। यो सेटअपले डिभाइसलाई प्रतिद्वन्द्वी एप्पलको आईफोन १७ प्रो म्याक्स सहितका ठूला–स्क्रिन फ्ल्यागशिपहरूलाई टक्कर दिन्छ भनि शाओमी बताएको छ।

क्यामराहरूको लागि, शाओमीले लेइकासँग आफ्नो सहकार्य जारी राखेको छ। डिभाइस्मा रहेको ट्रिपल–क्यामरा प्रणालीमा ५० मेगापिक्सेलको लाइट हन्टर ९५० एल मुख्य सेन्सर (१/१.२८″), ५० मेगापिक्सेलको अल्ट्रा–वाइड लेन्स र ५× पेरिस्कोप टेलिफोटो समावेश रहेका छन्। कम्पनीले डायनामिक रेञ्ज र लो–लाइट परिस्थितिहरूमा सुधारिएको प्रदर्शनलाई हाइलाइट गर्दछ।

मूल्य निर्धारण र उपलब्धताः

• १२जीबी + ५१२जीबी – ५,९९९ चिनियाँ युआन
• १६जीबी + ५१२जीबी – ६,२९९ चिनियाँ युआन
• १६जीबी + १टीबी – ६,९९९ चिनियाँ युआन

शाओमी १७ परिवार पहिले नै चीनमा प्रि–अर्डरको लागि तयार भइसकेको छ भने सेप्टेम्बर २७ मा स्थानीय समय अनुसार बिहान १०ः०० बजे सेल्फमा आइपुग्ने बताइएको छ। अहिलेसम्म डिभाइसको विश्वव्यापी रूपमा हुने लन्च मितिको बारेमा भने आधिकारिक रूपमा खुलासा गरिएको छैन। यद्यपि फोनहरू सन् २०२६ को सुरुमा विश्वव्यापी रूपमा लन्च हुने अपेक्षा गरिएको गीज्मोचाइनाले रिपोर्ट गरेको छ।