मस्कले लगभग १ अर्ब डलरको शेयर किनेको खुलासा; टेस्लाको शेयरमा तीव्र वृद्धि

काठमाडौं ।

सीईओ इलन मस्कले लगभग १ अर्ब डलरको शेयर किनेको खुलासा भएपछि टेस्लाको शेयर ५ प्रतिशत भन्दा बढीले बढेको छ।

मस्कले गत शुक्रबार २५ वटा छुट्टाछुट्टै खरिद गरेको र जसमा लगभग ३७२ अमेरिकी डलर देखि ३९६ अमेरिकी डलर सम्मको मूल्यमा लगभग २.५७ मिलियन शेयरहरू रहेको छन् भनि एक नियामक फाइलिङले देखाएको रिपोर्ट गरिएको छ।

मंगलबारको वृद्धिसँगै, टेस्लाको शेयर सन् २०२५ को लागि सकारात्मक क्षेत्रमा प्रवेश गरेको छ।

यस कदमलाई लगानीकर्ताहरूले मस्कको टेस्लाप्रतिको थप प्रतिबद्धताको रूपमा हेरेका छन् भने कम्पनीले यस वर्ष विद्युतीय सवारी साधनको मागमा गिरावट र सरकारी खर्च कटौती गर्ने ट्रम्प प्रशासनसँगको सीईओको काम विरुद्धको प्रतिक्रियासँग संघर्ष गरिरहेको छ।

यस महिनाको सुरुमा, कम्पनीले मस्कको लागि दीर्घकालीन तलब प्याकेज प्रस्ताव गरेको थियो जुन टेस्लाले निश्चित लक्ष्यहरू पूरा गर्छ कि गर्दैन भन्ने आधारमा १ ट्रिलियन अमेरिकी डलर सम्म पुग्न सक्छ भनि टेलीग्राफले रिपोर्ट गरेको छ।