Technology Khabar २७ असार २०८२, शुक्रबार
काठमाडौं ।
प्रमुख अपरेटर किएभस्टारले यस वर्षको अन्त्यसम्ममा मेसेजिङ र सन् २०२६ को मध्यमा मोबाइल स्याटेलाइट इन्टरनेट लन्च गर्दै युक्रेन स्टारलिङ्क सेवाहरू प्रदान गर्ने पहिलो युरोपेली राष्ट्र बन्ने भएको छ। यसबारे कम्पनीका सीईओ ओलेक्जेन्डर कोमारोभले घोषणा गरेका हुन्।
प्रविधि उद्यमी इलन मस्कको कम्पनीलाई युद्धग्रस्त देशमा प्रत्यक्ष मोबाइल सेवाहरू लन्च (सुरु) गर्न अनुमति दिन स्पेसएक्सको व्यावसायिक इन्टरनेट कन्स्टेलेसनसँग सन् २०२४ को सम्झौता अन्तर्गत फिल्ड परीक्षणहरू सुरु भएको रोयटर्सले रिपोर्ट गरेको छ।
डाइरेक्ट–टु–मोबाइल डिभाइसहरू सेल फोन टावर जस्तै काम गर्ने मोडेमहरूले सुसज्जित स्याटेलाइटहरूमा जडान हुन्छन् जसले अन्तरिक्षबाट सिधै स्मार्टफोनमा फोन सिग्नलहरू प्रसारण गर्दछ।
“पहिलो चरण ओभर–द–टप (ओटीटी) मेसेजिङ हो। त्यसैले व्हाट्सएप, सिग्नल र अन्य प्रणालीहरू मार्फत मेसेजिङ यस वर्षको अन्त्यसम्ममा लागू हुनेछ” कोमारोभले भने।
“र सायद सन् २०२६ को सुरुमा वा सटिक रुमा भन्दा, सन् २०२६ को दोस्रो त्रैमासिकमा, हामी मोबाइल ब्रोडब्याण्ड स्याटेलाइट डाटा र भ्वाइस प्रस्ताव गर्न सक्षम हुनेछौं” उनले थप उल्लेख गरे।
राष्ट्रपति भोलोडिमिर जेलेन्स्की पनि उपस्थित हुने अपेक्षा गरिएको युक्रेनको पुनः प्राप्तिमा इटालीले रूसी आक्रमणको तीन वर्ष पछि आयोजना गरिरहेको सम्मेलन अघि कोमारोभले यस बारेमा जानकारी दिएका हुन्।
उनले सन् २०२२ को फेब्रुअरीमा युद्ध सुरु भएदेखि चौथो सम्मेलनमा आफ्नो मुख्य लक्ष्य भनेको युक्रेनी सरकारलाई समर्थन गर्नु र नयाँ व्यापारिक सम्बन्धहरू सिर्जना गर्नु भएको बताएका छन् जसमध्ये केही देशमा विस्तार गर्न इच्छुक इटालियन कम्पनीहरू रहेकोथप जानकारी दिएको टेलीग्राफले रिपोर्ट गरेको छ।
प्रकाशित: २७ असार २०८२, शुक्रबार
