Technology Khabar १७ असार २०८२, मंगलवार
काठमाडौं ।
प्रविधि कम्पनी एंकरले यो महिनामा दोस्रो पटक पावर बैंक फिर्ता बोलाएको छ। म्याकरूमर्सको रिपोर्ट अनुसार, यसपटकको फिर्ता विश्वभरका विभिन्न बजारमा बिक्री गरिएका पावर बैंक मोडेलहरूलाई लक्षित गरिएको छ।
इन्ग्याजेटका अनुसार यसअघि, कम्पनीले जून १, २०१६ देखि डिसेम्बर ३१, २०२२ बीच अमेरिका भित्र बिक्री गरिएको एंकर पावरकोर १०००० मोडेल ए१२६३ फिर्ता बोलाएको थियो। उक्त मोडेलमा प्रयोग गरिएको लिथियम–आयन ब्याट्री अत्यधिक तातिने सम्भावना भएकाले पावर बैंक पग्लिन सक्ने, धुवाँ निस्कन सक्ने र अन्ततः आगलागी हुन सक्ने खतरा रहेको कम्पनीले जनाएको थियो।
हाल एंकरले विश्वभर बिक्री भएका विभिन्न मोडेलहरूका लागि फिर्ता प्रक्रिया सुरु गरेको छ। ती मोडेलहरूमा निम्न पर्छन्:
कम्पनीका अनुसार, यी मोडेलहरूमा एउटै ब्याट्री आपूर्तिकर्ताबाट लिइएका लिथियम–आयन सेल प्रयोग गरिएका छन्, जसमा अत्यधिक तातिने जोखिम देखिएको छ।
हालसम्म खराबीको सम्भावना न्यून रहेको बताइए पनि सावधानीस्वरूप यी मोडेलहरू प्रयोग नगर्न उपभोक्तालाई सुझाव दिइएको छ।
प्रभावित उपकरणको सिरियल नम्बर रिकलको आधिकारिक वेबसाइटमा प्रविष्ट गरेर जाँच गर्न सकिनेछ। प्रमाणको रूपमा खरिद विवरण आवश्यक पर्नेछ। योग्य उपभोक्ताहरूले नयाँ विकल्पका रूपमा प्रतिस्थापन वा एंकरको वेबसाइटमा प्रयोग गर्न मिल्ने गिफ्ट कार्ड रोज्न सक्ने इन्ग्याजेटले उल्लेख गरेको छ।
प्रकाशित: १७ असार २०८२, मंगलवार
