एउटा स्वास्थ्य संस्थामा साइबर आक्रमण भएको स्विजरल्याण्ड सरकारको भनाई

काठमाडौं ।

स्विजरल्याण्डले गैरनाफामूलक स्वास्थ्य संस्था राडिक्समा भएको साइबर आक्रमणले सरकारी प्रशासनलाई पनि प्रभावित पारेको सोमबार जनाएको छ।

स्विस संघीय निकायहरूले जारी गरेको विज्ञप्तिमा राडिक्सका सेवाग्राहीहरूमा विभिन्न संघीय कार्यालयहरू पनि छन् र आक्रमणपछि केही डाटा डार्क वेबमा सार्वजनिक गरिएको बताइएको छ तर कुन डाटा भन्ने खुलाइएको छैन।

आक्रमणकारीहरूले सरकारी डाटा प्रणालीहरूमा प्रत्यक्ष रूपमा प्रवेश भने नगरेका विज्ञप्तिमा थप भनिएको छ। हाल प्रभावित इकाईहरू र डाटाहरूको पहिचान गर्न प्रयास भइरहेको अधिकारीहरूले बताएका छन्।

स्विजरल्याण्डले जनाएको अनुसार गैरनाफामूलक स्वास्थ्य संस्था राडिक्समाथि भएको साइबर आक्रमणमा डाटा चोरी र इन्क्रिप्सन गरिएको थियो, जसले संघीय प्रशासनका विभिन्न निकायहरूलाई समेत असर पुर्‍याएको छ।