Technology Khabar ३० जेष्ठ २०८२, शुक्रबार
काठमाडौं ।
एनटीटी ग्लोबल डाटा सेन्टरले बलिउड अभिनेता जितेन्द्र र उनको परिवारको स्वामित्वमा रहेका जग्गाहरु खरिद गरेको छ।
कम्पनीले उनीहरुको स्वामित्वमा रहेका फर्महरू प्यान्थियन बिल्डकन र तुषार इन्फ्रा डेभलपर्सबाट मुम्बईको अन्धेरीमा जग्गा खरिद गरेको द न्यु इन्डियन एक्सप्रेसले इन्स्पेक्टर जनरल अफ रजिस्ट्रेशन (आईजीआर) को वेबसाइटमा स्क्वायर यार्ड्सद्वारा समीक्षा गरिएको सम्पत्ति दर्ता कागजातहरू उद्धृत गर्दै रिपोर्ट गरेको छ।
सो अधिग्रहण मूल्य ८.५५ अर्ब भारतीय रुपैयाँ रहेको छ। कम्पनीले मुम्बईको अन्धेरीमा २.३९ एकड जग्गा अधिग्रहण गरेको हो।
बालाजी आईटी पार्क सहितको जग्गा एनटीटी ग्लोबल डाटा सेन्टर एण्ड क्लाउड इन्फ्रास्ट्रक्चर इन्डियाले किनेको थियो।
सम्झौतामा ९,६६४ वर्ग मिटरको दुईओटा जोडिएका जग्गा पार्सलहरू समावेश थिए र ४५,५७२ वर्ग मिटरको संचित निर्माण क्षेत्रफल भएका तीनओटा भवनहरू समावेश थिए।
एनटीटी डाटाले, मुम्बईमा जग्गा अधिग्रहण एनटीटी ग्लोबल डाटा सेन्टरको द्रुत विश्वव्यापी विस्तारको एक हिस्सा भएको बताएको छ, जसले विश्वको शीर्ष डाटा सेन्टर प्रदायकहरू मध्ये एक र भारतमा अग्रणी प्रदायकको रूपमा आफ्नो स्थितिलाई सुदृढ बनाउने उल्लेख छ।
एनटीटीसँग हाल भारतभर १८ भन्दा बढी डाटा सेन्टरहरू सञ्चालन वा विकासमा छन्, जसको कुल २६५ मेगावाट भन्दा बढी छ।
प्रकाशित: ३० जेष्ठ २०८२, शुक्रबार
