अश्लिल भिडियो साइटहरुले बालबालिकालाई सुरक्षा नगरेको आशंकामा युरोपेली आयोगले अनुसन्धान गर्दै

काठमाडौं ।

युरोपेली आयोगले बालबालिकालाई सुरक्षा दिन असफल भएकोमा पोर्नहब, एक्सएनएक्सएक्स र एक्सभिडियोको अनुसन्धान शुरु गरेको छ।

ब्रसेल्सले विश्वका तीन ठूला पोर्न प्लेटफर्महरू -पोर्नहब, एक्सएनएक्सएक्स र एक्सभिडियोज माथि औपचारिक अनुसन्धान सुरु गरेको हो। युरोपेली आयोगले ती साइटहरूले नाबालिगहरूलाई उचित रूपमा सुरक्षा दिन असफल भएर डिजिटल सेवा ऐन (डीएसए) को उल्लङ्घन गरिरहेको शंका गरेको छ।

तीनओटै प्लेटफर्महरूमा, उमेर प्रमाणीकरणमा “म १८ वर्षको छु” भन्ने साधारण क्लिक हुन्छ, जसले ईयू अधिकारीहरूका अनुसार डीएसएको मापदण्डहरू पूरा गर्दैन।

आयोगले यी साइटहरूले बालबालिकाको पहुँचलाई कसरी सीमित गर्छन् र अवैध सामग्रीसँग कसरी लड्छन् भनेर जाँच गर्ने उल्लेख गरेको छ।

यदि उल्लङ्घन पुष्टि भयो भने, कम्पनीहरूले लाखौं यूरो जरिवाना वा ईयू भित्र सञ्चालनमा प्रतिबन्धको सामना गर्न सक्छन्।