ओपनएआईले जोनी आइभको डिजाइन स्टार्टअपलाई ६.५ अर्ब डलरमा किन्ने

काठमाडौं ।

ओपनएआईले जोनी आइभको स्टार्टअप ‘आईओ’ लाई ६.५ अर्ब डलरमा खरिद गर्न कम्पनीले आफ्नो वेबसाइटमा ब्लग पोस्टमार्फत जानकारी दिएको छ। एउटा वास्तविक तस्बिरका साथमा कम्पनीले उक्ता जानकारी दिएको हो।

सम्झौताको एक भागको रूपमा, आइभ र उनको डिजाइन स्टुडियो ‘लभफर्म’ले ओपनएआईबाट स्वतन्त्र रूपमा काम गर्न जारी राख्नेछन्। यद्यपि, आइभसँग आईओको सह–स्थापना गरेका स्कट क्यानन, इभान्स ह्यान्की र टाङ ट्यान भने लगभग ५० अन्य इन्जिनियरहरू, डिजाइनरहरू र अनुसन्धानकर्ताहरूसँगै ओपनएआईको कर्मचारी बन्नेछन्।

ओपनएआईका अवस्थित टोलीहरूसँगको सहकार्यमा, तिनीहरूले हार्डवेयरमा काम गर्नेछन् जसले मानिसहरूलाई ओपनएआईको प्रविधिहरूसँग अन्तरक्रिया  गर्न सघाउनेछ।

ओपनएआईले यो सम्झौता नगदमा भुक्तानी गरिने वा स्टकमा भुक्तानी गरिने भन्ने कुरा खुलाएको छैन। वाल स्ट्रिट जर्नलका अनुसार, यो अल–इक्विटी डिल (बराबरिको सम्झौता) हुने बताइएको छ।

ओपनएआईले भने अझै नाफा नकमाएको उल्लेख गरिएको छ। साथै, द इन्फर्मेसनको रिपोर्टिङ अनुसार, माइक्रोसफ्टले ओपनएआईमा १३ अर्ब डलरभन्दा बढी लगानी गरेको बदलामा ओपनएआईले सन् २०३० सम्म माइक्रोसफ्टसँग आफ्नो आम्दानीको २० प्रतिशत बाँड्न सहमत भएको बताइएको छ।

अधिग्रहणलाई कसरी वित्तपोषण गर्ने भन्ने बारे सोध्दा, अल्टम्यानले “प्रेस कम्पनी भन्दा पनि बढी ओपनएआईको कोष र राजस्वको बारेमा बढी चिन्तित छ। ‘हामीलाई कही पनि हुनेछैन’ र ‘चिन्ताको लागि धन्यवाद।’ सम्झौता अझै पनि नियामक स्वीकृतिको विषय हो” भनि द टाइम्सलाई भने।

द टाइम्ससँगको एक अन्तर्वार्तामा, ओपनएआईका सीईओ साम अल्टम्यान र आईफोनमा आफ्नो डिजाइन कार्यका लागि परिचित आइभले साझेदारीको लक्ष्य “मानवतालाई माथि उचाल्ने अद्भुत उत्पादनहरू” सिर्जना गर्नु भएको बताएका छन्।

यस अघि, अल्टम्यान ह्युमनमा लगानीकर्ता थिए जुन असफल ह्युमन एआई पिन पछाडिको स्टार्टअप हो। एचपीले यस वर्षको सुरुमा कम्पनीलाई ११६ मिलियन अमेरिकी डलरमा खरिद गरेको थियो, जुन ह्युमनले बिक्री गर्न अघि चाहेको १ अर्ब अमेरिकी डलर भन्दा धेरै कम भएको बताइएको छ।

“इन्सपयर (प्रेरित), इमपावर (सशक्त) र इनेबल (सक्षम) पार्ने उत्पादनहरू विकास गर्ने कुरामा केन्द्रित आईओ टोली अब सान फ्रान्सिस्कोमा अनुसन्धान, इन्जिनियरिङ र उत्पादन टोलीहरूसँग अझ घनिष्ठ रूपमा काम गर्न ओपनएआई सँग मर्ज हुनेछ,” ओपनएआईले आफ्नो वेबसाइटमा अधिग्रहणको बारेमा लेखेको बताइएको छ।

“आईओ ओपनएआई सँग मर्ज हुँदा, जोनी र लभफ्रमले ओपनएआई र आईओमा गहिरो डिजाइन र रचनात्मक जिम्मेवारीहरू लिनेछन्।”

द टाइम्सका अनुसार, सन् २०२४ को अन्त्यमा दुई कम्पनीहरूले गरेको सम्झौता पछि ओपनएआईसँग पहिले नै आईओमा २३ प्रतिशत हिस्सेदारी प्राप्त गरेको उल्लेख गरिएको छ। ओपनएआईले अब स्टार्टअपको पूर्ण नियन्त्रण लिन लगभग ५ बिलियन अमेरिकी डलर तिर्ने इनग्याजेटले उल्लेख गरेको छ।