स्पेनमा व्यापकरुपमा दूरसञ्चार सेवा अवरुद्ध, आपतकालीन सेवाहरूको नम्बर समेत ठप्प

काठमाडौं ।

युरोपेली देश स्पेनमा सबै प्रमुख सेवा प्रदायकहरूको सेवा ठप्प हुँदा, देशभर इन्टरनेट र कलहरू अवरुद्ध हुँदा टेलिकम ब्ल्याकआउटको सामना गर्नुपरेको छ।

स्पेनमा आज लगभग सबै प्रमुख सेवा प्रदायकहरूको नेटवर्क बन्द भएपछि ठूलो टेलिकम ब्ल्याकआउट भएको छ। रिपोर्टहरूsf अनुसार, मोभिस्टार, ओरेन्ज, भोडाफोन, ओ२, र डिजिमोबिल आदि जस्ता धेरै नेटवर्कहरूमा सेवाहरू अवरुद्ध भएका छन्।

११२ जस्ता आपतकालीन सेवाहरूका कलहरू पनि अवरुद्ध भएका छन्।

यो घट्ना वृहत बिजुली अवरुद्ध भएर लगभग सम्पूर्ण देश बिजुलीविहीन भएको केही हप्ता पछि भएको हो।

म्याड्रिड, बार्सिलोना, सेभिल र भ्यालेन्सिया जस्ता लगभग सबै प्रमुख शहरहरूले दूरसञ्चार सेवाहरू बन्द भएको रिपोर्ट गरेका छन्।

स्पेनी दूरसञ्चार कम्पनी टेलिफोनिकाले गरेको खराब नेटवर्क अपग्रेडका कारण यो अवरुद्ध भएको बताइएको छ।

स्पेनी समाचार आउटलेट एल डायरियोले रिपोर्टलाई उदृत गर्दै अन्तराष्ट्रिय मिडियाहरुले बताएअनुसार, टेलिफोनिकाद्वारा गरिएको नेटवर्क अपग्रेड अवरोधको संदिग्ध कारण हो, तर देशभर अनुभव गरिएका अन्य इन्टरनेट समस्याहरू पनि कम्पनीको चलिरहेको कामसँग प्रत्यक्ष रूपमा सम्बन्धित छन् कि छैनन् भन्ने कुरा स्पष्ट छैन।