प्रिमियर एनईबी विद्यार्थीहरूको नवप्रवर्तन, उद्यमशीलता र नेतृत्वमार्फत सशक्तिकरण

काठमाडौं ।

प्रिमियर इन्टरनेशनल आईबी कन्टिन्युम स्कूलका एनईबी कार्यक्रमका विद्यार्थीहरूले यस वर्ष तीन प्रमुख पहलहरू— द भ्वाइस, फ्युचरप्रेनर्स फर्यर २०२५, र एनईबी स्टिम फेयरको—नेतृत्व गरे, जसले उनीहरूको शैक्षिक रुचि र व्यवहारिक सोचको स्पष्ट प्रतिविम्ब प्रस्तुत गर्यो।

यी विद्यालयद्वारा तोकिएका परियोजनाहरू नभएर विद्यार्थीहरूले आफैंले योजना, डिजाइन र कार्यान्वयन गरेको कार्यक्रम थियो जसले एनईबी कार्यक्रमको मूल शक्ति विद्यार्थी स्वामित्व र नेतृत्वलाई उजागर गर्यो।

व्यवसाय र सिर्जनात्मकताको संगम: फ्युचरप्रेनर्स फेयर २०२५

व्यवस्थापन र मार्केटिङप्रति रुचि राख्ने एनईबी विद्यार्थीहरूले फ्युचरप्रेनर्स फेयरमा गोल्डस्टार, सेञ्चुरी, माक्कुसे र सिल्क आर्टिजनल क्रिमरीजस्ता स्थापित ब्रान्डहरूका लागि आफ्नै सोचमा आधारित रणनीति र मार्केटिङ योजना प्रस्तुत गरे।

विद्यार्थीहरूले सोचे, “यदि म यो ब्रान्डको मार्केटिङ म्यानेजर थिएँ भने के गर्थें?”—र त्यसको उत्तर एक पेशेवर प्रस्तुति मार्फत दिए।

आयोजकका अनुसार कार्यक्रममा गोल्डस्टारकी निर्देशक विदुशी राणा, सेञ्चुरीकी कार्यकारी निर्देशक शोभना दुगड, माक्कुसेका कार्यकारी निर्देशक मि. मिङ र सिल्कका संस्थापक ऋषभ अग्रवालजस्ता प्रतिष्ठित व्यवसायिक व्यक्तिहरूले विद्यार्थीहरूको रणनीतिक सोच, रचनात्मकता र प्रस्तातिको स्तरको उच्च प्रशंसा गरे।

विदुषी राणाले त गोल्डस्टारका लागि पिच गर्ने विद्यार्थीहरूलाई इन्टर्नशिपको अवसरसमेत प्रदान गरिन् भयो, जुन विद्यार्थीहरूका लागि ठूलो प्रेरणा बन्यो।

नवप्रवर्तन र प्रभाव: एनईबी स्टिम फेयर

एनईबी स्टिम फेयरले विज्ञान, प्रविधि, इञ्जिनियरिङ, कला र गणित (STEAM) को संगममा आधारित विद्यार्थी नवप्रवर्तनलाई उजागर गर्यो। पर्यावरणमैत्री प्रविधिदेखि लिएर अन्तरक्रियात्मक मोडेलहरूसम्म, विद्यार्थीहरूले पाँच प्रभावशाली परियोजनाहरू प्रस्तुत गरे, जसले व्यवहारिक समस्याहरूको समाधानमा उनीहरूको गहिरो सोच झल्कायो।

TrashTrawler ले ताल, खोला र नदीहरूबाट फोहोर सङ्कलन गर्ने उपाय प्रस्तुत गर्यो, Line Follower Robot ले ठूलो क्षेत्रको सफाइ कार्य स्वचालित बनाउने समाधान दियो। EcoScribes ले पुनः प्रयोग हुने कागज र प्राकृतिक स्रोतबाट मसी बनाउने नविन प्रयोग प्रस्तुत गर्यो, LibraTech ले पुस्तकालय व्यवस्थापनको लागि बारकोडमा आधारित प्रणाली तयार गर्यो, र Silva ले प्राकृतिक तत्वमा आधारित सौन्दर्य सामग्री (जस्तै लिप बाम र पर्फ्युम) को परिकल्पना प्रस्तुत गर्यो।

यी परियोजनाहरू केवल सिर्जनात्मक मात्रै थिएनन्, विद्यार्थीहरूले आफैंले आर्थिक स्रोत जुटाएर, त्यसलाई व्यवहारिक रूपमा कार्यान्वयनसम्म पुर्याएका थिए। कार्खानाका सुनोज दास श्रेष्ठ र Laali की सलोनी राजभण्डारीले विद्यार्थीहरूको सोच, समर्पण, र दीगो विकासप्रतिको प्रतिबद्धताको प्रशंसा गरे।

“विद्यार्थीहरूको मेहनत र समर्पणले भविष्यको चुनौती सामना गर्न STEAM शिक्षाको कति गहिरो भूमिका छ भन्ने देखाउँछ,” शैक्षिक निर्देशक प्रविना थापाले भनिन्।

विद्यार्थी नेतृत्वको प्रतिविम्ब: द भ्वाइस

द भ्वाइस नामक पूर्ण रूपमा विद्यार्थीहरूद्वारा सम्पादित पत्रिका विद्यालय वर्षको झलक हो, जसमा लेख संकलन, ग्राफिक डिजाइन, सम्पादन, र टिम व्यवस्थापनसम्म सबै जिम्मेवारी विद्यार्थीहरूले नै सम्हाले।

उनीहरूले टिम छान्नेदेखि लिएर सम्पादकीय निर्णय गर्ने अधिकार पनि आफैंसँग राखे। द भ्वाइस केवल पत्रिका नभई नेतृत्व, सशक्तीकरण र विद्यालय संस्कृतिमा विद्यार्थी आवाजको महत्व देखाउने माध्यम बन्यो।

कथा, ब्रान्ड पिच वा रोबोट निर्माणका माध्यमबाट प्रिमियरका एनईबी विद्यार्थीहरूले यस वर्ष आफ्नो सीप, सोच, र उद्देश्य प्रस्तुत गर्न सके। एनईबी कार्यक्रम केवल परीक्षाका लागि तयारी गर्ने कक्षा होइन, वास्तविक संसारका लागि आफूलाई तयार पार्ने प्लेटफर्म बनिरहेको विद्यालयको दावी छ।

प्रिमियरको एनईबी कार्यक्रमले शैक्षिक गहिराइ र जीवनोपयोगी अनुभवको सन्तुलनमार्फत विद्यार्थीहरूलाई आत्मविश्वास, स्वतन्त्रता र उद्देश्यका साथ नेतृत्व गर्न सक्षम बनाइरहेको छ।