अमेरिकी निर्यात नियन्त्रणहरू पार गर्न एनभिडियाले चीनको लागि एच२० चिप परिमार्जन गर्नसक्ने

काठमाडौं ।

मूल मोडेलमा अमेरिकी निर्यात प्रतिबन्धहरू पछि, एनभिडियाले अर्को दुई महिनामा चीनको लागि आफ्नो एच२० कृत्रिम बुद्धिमत्ता चिपको डाउनग्रेड संस्करण जारी गर्ने योजना बनाएको यस विषयमा जानकार तीन स्रोतहरूले बताएका छन्।

उक्त दुई स्रोतहरूका अनुसार, अमेरिकी चिप निर्माताले प्रमुख क्लाउड कम्प्युटिङ प्रदायकहरू सहित प्रमुख चिनियाँ ग्राहकहरूलाई कम्पनीले जुलाईमा परिमार्जित एच२० चिप जारी गर्ने लक्ष्य राखेको सूचित गरेको रोयटर्सले उल्लेख गरेको छ।

उन्नत सेमिकण्डक्टर प्रविधिमा चीनको पहुँचलाई प्रतिबन्धित गर्ने वाशिंगटनको विस्तारित प्रयासहरूको बेलामा डाउनग्रेड गरिएको नयाँ एच२०ले आफ्नो सबैभन्दा महत्त्वपूर्ण बजारहरू मध्ये एक चीनयाँ बजारमा आफ्नो उपस्थिति कायम राख्न एनभिडियाको पछिल्लो प्रयासलाई प्रतिनिधित्व गर्दछ।

चिनियाँ बिक्रीको लागि तयार गरिएको एनभिडियाको सबैभन्दा शक्तिशाली एआई चिप एच२०, अमेरिकी अधिकारीहरूले गत महिना कम्पनीलाई उत्पादनलाई निर्यात इजाजतपत्र आवश्यक पर्ने जानकारी दिएपछि बजारबाट प्रभावकारी रूपमा रोकिएको थियो।

एनभिडियाले परिमार्जित चिप डिजाइनहरूको विकासलाई मार्गदर्शन गर्ने नयाँ प्राविधिक थ्रेसहोल्डहरू तयार पारेको छ। यी विशिष्टताहरूले मूल एच२० बाट उल्लेखनीय रूपमा डाउनग्रेड गर्नेछन्, जसमा मेमोरी क्षमतामा उल्लेखनीय रूपमा कमी आउने एक स्रोतले जानकारी दिए।

डाउनस्ट्रीम ग्राहकहरूले चिपको कार्यसम्पादन स्तर समायोजन गर्न मोड्युल कन्फिगरेसनलाई सम्भावित रूपमा परिमार्जन गर्न सक्छन् भनि अर्को स्रोतले ।

एनभिडियाले टिप्पणी गर्न अस्वीकार गरेको छ भने अमेरिकी वाणिज्य विभागले पनि कुनै टिप्पणी नदिएको उल्लेख गरिएको छ।

जनवरी २६ तारिखमा समाप्त भएको आर्थिक वर्षमा चीनले १७ अर्ब डलर राजस्व सङ्कलन गरेको थियो जुन एनभिडियाको कुल बिक्रीको १३ प्रतिशत भएको जनाइएको छ।

अमेरिकी अधिकारीहरूले एच२० चिपको लागि नयाँ निर्यात इजाजतपत्र आवश्यकताहरू घोषणा गरेको केही दिन पछि देशको रणनीतिक महत्त्वलाई उजागर गर्दै, एनभिडियाका सीईओ जेन्सेन हुआङले गत महिना बेइजिङको भ्रमण गरेका थिए।

चिनियाँ अधिकारीहरूसँगको बैठकमा, हुआङले चीन कम्पनीको लागि एक महत्त्वपूर्ण बजार भएको भन्दै जोड दिएको उल्लेख गरिएको छ।

सम्भावित सैन्य अनुप्रयोगहरूको बारेमा चिन्ताहरूलाई उद्धृत गर्दै अमेरिकाले सन् २०२२ देखि चीनमा एनभिडियाको सबैभन्दा परिष्कृत चिपहरूको निर्यातमा प्रतिबन्धित लाएको छ।

सन् २०२३ को अक्टोबरमा वासिङ्टनले निर्यात नियन्त्रण कडा पारेपछि एच२० प्रस्तुत गरिएको थियो।

स्टार्टअप डीपसिक जस्ता कम्पनीहरूबाट लागत–प्रभावी एआई मोडेलहरूको बढ्दो मागको बीचमा टेन्सेन्ट, अलिबाबा र टिकटकको मूल कम्पनी बाइटडान्स लगायत चिनियाँ प्रविधि दिग्गजहरूले एच२० चिपको अर्डरहरू बढाएको रोयटर्सले यस वर्षको सुरुमा रिपोर्ट गरेको थियो।

त्यसैगरी गत महिना रोयटर्सको रिपोर्ट अनुसार, एनभिडियाले जनवरीदेखि १८ अर्ब डलरको एच२० अर्डरहरू जम्मा गरेको उल्लखे छ।