काठमाडौं ।
धेरैजसो मानिसहरूले हरेक दिन कृत्रिम बुद्धिमत्ता (एआई) प्रयोग गरे पनि यसको नतिजामा विश्वास नगरेको नयाँ अध्ययनले देखाएको छ।
अष्ट्रेलियाको मेलबर्न विश्वविद्यालय र विश्वव्यापी परामर्श फर्म केपीएमजीका अनुसन्धानकर्ताहरूले नोभेम्बरदेखि जनवरी (सन् २०२५) सम्म ४७ देशका ४८,००० भन्दा बढी मानिसहरूलाई एआई प्रतिको उनीहरूको विश्वास, प्रयोग र मनोवृत्तिको बारेमा सर्वेक्षण गरेको रिपोर्ट गरिएको छ।
उत्तरदाताहरूका दुई तिहाइ भन्दा बढीले काममा, स्कूलको लागि, वा आफ्नो व्यक्तिगत समयमा केही नियमितताका साथ एआई प्रयोग गर्ने गरेको र केवल ४६ प्रतिशतले मात्र यी प्रणालीहरूमा विश्वास गर्न इच्छुक भएको अध्ययनले पत्ता लगाएको छ।
सहभागीहरूलाई एआई प्रणालीहरूको प्राविधिक क्षमता र प्रणालीहरूको सेक्युरिटी, प्रोटेक्सन र नैतिक दिगोपनमा कति विश्वास गर्छन् भनेर श्रेणीकरण गर्न लगाइएको थियो।
मानिसहरू कृत्रिम बुद्धिमत्ताको क्षमता निष्पक्ष हुने र हानि गर्दैन भनि विश्वास गर्न चाहेको अध्ययनकर्ताहरूले बताएका छन्।
मानिसहरूलाई सबैभन्दा बढी विश्वास कृत्रिम बुद्धिमत्ताको प्राविधिक क्षमतामा हुने बताइएको छ जसले सही र भरपर्दो परिणामका साथ सेवाहरू प्रदान गर्दछ।
त्यसैगरी अध्ययनले ५८ प्रतिशत उत्तरदाताहरूले काममा नियमित रूपमा एआई प्रयोग गर्ने तथ्य पत्ता लगाएको र यी उत्तरदाताहरूमध्ये ३३ प्रतिशतले आफ्नो काममा साप्ताहिक वा दैनिक रूपमा एआईलाई प्रयोग गर्ने गरेको बताइएको छ।
एआईले उनीहरूलाई राम्रोसँग काम गर्न, जानकारी सजिलैसँग खोज्न र थप रचनात्मक हुन मद्दत गरेको भनि यी कामदारहरूले बताएको टेलिग्राफले उल्लेख गरेको छ।
प्रकाशित: २४ बैशाख २०८२, बुधबार
