युट्युबले नयाँ प्रिमियम सुविधाहरूको साथ २० वर्ष मनायो, अब गीतहरू गुनगुनाएर खोज्न सकिने

काठमाडौं ।

युट्युबले आफ्नो वेबसाइटमा पहिलो भिडियो अपलोड भएको २० वर्ष पूरा गरेको छ। यस दिनको सम्झनामा, कम्पनीले नयाँ फिचर्स, स्ट्याट्स (सुविधाहरू, तथ्याङ्कहरू) अनावरण गरेको छ र केही लुकेका वा कम ज्ञात टुल्स (उपकरणहरू) को सेटको बारेमा उल्लेख गरेको छ।

वरिष्ठ उत्पादन प्रबन्धक विराज मानेशले दैनिक २० मिलियन भन्दा बढी भिडियोहरू अपलोड हुने गरेको खुलासा गरेका छन्। प्रयोगकर्ताहरूले सन् २०२४ मा प्रति दिन १० करोड भन्दा बढी कमेण्ट्स (टिप्पणीहरू) पोस्ट गरेको बताइएको छ जसमा क्रियटर्सहरूले औसत १ करोड दर्शकहरूको टिप्पणीहरू मन पराएको उल्लेख गरिएको छ।

युट्युबले यस वर्ष मुख्यतया टिभी र प्रिमियम प्रयोगकर्ताहरूका लागि नयाँ सुविधाहरू अनावरण गर्ने उल्लेख छ। युट्युब टिभी सदस्यहरूले ईएसपीएन र फूड नेटवर्क जस्ता लोकप्रिय नेटवर्कहरू सहित गैर–खेलकुद सामग्रीको लागि मल्टिभ्यू लेआउटहरू प्रयोग गर्न सक्ने छन्।

क्रियटर्सहरूले आफ्ना भिडियोहरू अन्तर्गत टिप्पणीहरूको भ्वाइस–रिप्लाई (आवाजमार्फत जवाफ) दिन सक्षम हुनेछन्। तर यो सुविधा सन् २०२५ पछि उपलब्ध हुनेछ।

प्रिमियम र म्युजिक सब्सक्राइबर्स (सदस्यहरू) ले आफ्नो मुड व्याख्या गरेर आईओएस र एन्ड्रोइडमा व्यक्तिगत रेडियो स्टेशन सिर्जना गर्न सक्ने छन्। तर यो सुविधा अंग्रेजीमा मात्र उपलब्ध भएको बताइएको छ। साथै, मोबाइलका युट्युब प्रिमियम प्रयोगकर्ताहरूले ४ गुणा सम्मको विस्तारित प्लेब्याक स्पिड (गति) प्राप्त गर्न सक्ने छन्।

युट्युबले अब भिडियो प्लेयरलाई २ गुणा स्पिड (गति) को लागि लङ्ग प्रेसिङ्ग (लामो समयसम्म थिच्ने), बेडटाइम भ्यूविङ्गको लागि स्लीप टाइमर सेट गर्ने र कल वा नोटिफिकेसन (सूचना) हरूबाट हुने अवरोधहरू रोक्न स्क्रिन लक गर्ने सुविधा प्रदान गर्दछ। एन्ड्रोइड प्रयोगकर्ताहरूले गीतहरू पहिचान गर्न सङ्ग सर्चमा गुनगुनाउन वा गाउन सक्नेछन् भने आजै मात्र प्रोगेसन बार केक आइकनको साथ आएको छ।