महामारी समयको लोकप्रिय भिडियो गेम नयाँ संस्करणमा आउँदै

Technology Khabar ११ बैशाख २०८२, बिहीबार

काठमाडौं ।

कोरोनाभाइरस महामारीको समयमा धेरै मानिसहरूले खेलेको लोकप्रिय भिडियो गेम ‘एमङ्ग अस’ नयाँ संस्करणमा आउने भएको छ।

एमङ्ग अस थ्रीडी आगामी मे महिनाको ६ तारिखमा रिलिज हुनेछ। उक्त खेल मूल रूपमा भीआर विशेष हुने उद्देश्यले बनाइएको थियो। तर, इनरस्लोथ र शेल गेम्सको विकास टोलीले महँगो भीआर गियर नभएकाहरूका लागि यसको उपलब्धता विस्तार गर्ने निर्णय गरेको टेलिग्राफले रिपोर्ट गरेको छ।

मेटा क्वेस्ट, पीएसभीआर२, स्टीम भीआर हेडसेटहरू र पीआईसीओ डिभाइसहरूसँग एमङ्ग अस थ्रीडी उपयुक्त हुने बताइएको छ भने क्रस–प्ले समर्थनमार्फत स्टीम खेलाडीहरू सँगै सामेल हुन सक्नेछन्।

महामारीको समयमा अत्यधिक लोकप्रियता प्राप्त गरेको सन् २०१८ को मूल खेलबाट खेलाडीहरूले सबै परिचित एक्सन (कार्य) हरूका साथै नयाँ मोडहरू र थपहरू कुराहरु अपेक्षा गर्न सक्नेछन्।

यस बाहेक नयाँ ‘स्किन’ र ‘लटिल ह्याटस्’ का साथै सीमित अवधिको साथ भ्वाइस च्याटहरू जस्ता धेरै कस्मेटिक थपहरू पनि उपलब्ध हुने बताईएको छ।

प्रकाशित: ११ बैशाख २०८२, बिहीबार

तपाइको प्रतिक्रिया