मेटाले इन्स्टाग्राममा बालबालिकाका लागि नयाँ सीमाहरू तय गर्यो

काठमाडौं ।

मेटाले इन्स्टाग्राममा अकाउन्ट भएका किशोरकिशोरीहरू पत्ता लगाउनका लागि आफ्नो एआई प्रयोग गर्ने तरिका विस्तार गर्दैछ।

इस्टाग्रामले सन् २०२४ मा उमेर पत्ता लगाउन एआई प्रयोग गरिरहेको घोषणा गरेको थियो। जस अन्तर्गत, प्रणालीले प्रयोगकर्ताहरू १८ वर्ष मुनिका छन् कि छैनन् भनेर उमेर पत्ता लगाउनका लागि तिनीहरुका साथीहरूबाट प्राप्त जन्मदिनका सन्देशहरू जस्तै “१६ औं जन्मदिनको शुभकामना” भन्ने जस्ता संकेतहरू खोजेको उल्लेख गरिएको छ।

अब कम्पनीले वयस्क जन्मदिन भएका किशोर खाताहरू सक्रिय रूपमा खोज्न र बालबालिका भनि शंका गरिएका प्रयोगकर्ताहरूको लागि सेटिङहरू परिवर्तन गर्न एआई प्रयोग गर्ने टेलिग्राफले रिपोर्ट गरेको छ।

इन्स्टाग्रामले सोमबारदेखि अमेरिकामा यो सुविधा परीक्षण सुरु गर्ने बताइएको छ।

यदि यसले प्रयोगकर्ता वास्तवमा बालबालिका हो भन्ने पत्ता लगाएको खण्डमा, खातामा उल्लेख गरिए अनुसार, इन्स्टाग्रामले स्वचालित रूपमा तिनीहरूलाई ‘टिन रेसट्रिक्सन सेटिङ्ग्स’ अन्तर्गत राख्ने बताइएको छ।

बालबालिकाहरुका आमाबाबु र सरोकारवालाहरूको चिन्ताको कारणले गर्दा, प्लेटफर्ममा किशोरकिशोरी र बालबालिकाहरूलाई सुरक्षा दिन मेटाले बिस्तारै थप सेटिङहरू थपेको बताइएको छ।

गत वर्ष, युरोपेली संघले मेटाले युवा प्रयोगकर्ताहरूको स्वास्थ्यको रक्षा गर्न पर्याप्त कार्य गरिरहेको छ कि छैन भनेर अनुसन्धान सुरु गरेको टेलिग्राफले उल्लेख गरेको छ।