ह्वाट्सएपले अबदेखि यस्ता पुराना स्मार्टफोन मोडेलहरूमा काम नगर्ने, हेर्नुस् सूची

Technology Khabar २८ चैत्र २०८१, बिहीबार

काठमाडौं ।

लोकप्रिय मेसेजिङ एप ह्वाट्सएपले सन् २०२५ को मे ५ तारिखदेखि केही पुराना फोन मोडेलहरूमा काम गर्न बन्द गर्ने भएको छ। त्यसैले पुरानो फोन प्रयोग गर्नेहरूले ह्वाट्सएप एप जाँच गर्ने समय आएको बताइएको छ।

नियमित मर्मतसम्भार र सुरक्षा अपडेटहरूको अंशको रूपमा आएको यो परिवर्तनको लक्ष्य भनेको ह्वाट्सएपलाई भरपर्दो, सुरक्षित र अपरेटिङ सिस्टमको नवीनतम संस्करणहरूसँग उपयुक्त राख्नु भएको टेलिग्राफले रिपोर्ट गर्दछ।

यसले धेरै प्रयोगकर्ताहरूलाई असर नगरे पनि केही प्रयोगकर्ताहरूले अब ह्वाट्सएपलाई वा कम्तिमा आफ्नो पुरानो फोनलाई “गुडबाइ” भन्नुपर्ने समय आएको उल्लेख गरिएको छ।

आईफोनको सन्दर्भमा, व्हाट्सएपले अब १५.१ भन्दा पुरानो आईओएस संस्करणहरूमा काम गर्न बन्द गर्ने भएकाले अब आईफोन ५एस, आईफोन ६ र आईफोन ६ प्लस मोडेलहरू “खेलबाट बाहिरिने” छन्।

११ र १२ वर्षभन्दा अघि प्रस्तुत गरिएका यी फोनहरूलाई आईओएस १२.५.७ मा मात्र अपडेट गर्न सकिने भए पनि एपको लागि काम गर्न भने पर्याप्त नहुने उल्लेख गरिएको छ।

तपाईंसँग कुन संस्करण छ भन्ने कुरा निश्चित गर्नको लागिः सेटिङ्गस → जेनेरल → अबाउट → भ्यू आईओएस भर्सनमा गएर जाँच गर्न सकिने छ।

एन्ड्रोइड प्रयोगकर्ताहरूको लागि, व्हाट्सएपले, सन् २०२५ को जनवरी १ तारिखदेखि एन्ड्रोइड किटक्याट र पुराना संस्करणहरू चलाउने सबै डिभाइसहरूको लागि समर्थन बन्द गरेको थियो। त्यसैगरी अब मेसेजिङ एप समर्थन गर्ने विशिष्ट मोडेलहरूको सूचीको टेलिग्राफले खुलासा गरेको छः

सामसङ:

  • ग्यालेक्सी एस३
  • ग्यालेक्सी नोट २
  • ग्यालेक्सी एस ३
  • ग्यालेक्सी एस४ मिनी

मोटोरोला:

  • मोटो जी (पहिलो पुस्ता)
  • मोटो ई २०१४
  • रेजर एचडी

एचटीसी:

  • एन एक्स
  • एन एक्स+
  • डिजायर ५००
  • डिजायर ६०१

एलजी:

  • अप्टिमस जी
  • नेक्सस ४
  • जी२ मिनी
  • एल९०

सोनी:

  • एक्सपेरिया जेड
  • एक्सपेरिया एसपी
  • एक्सपेरिया टी
  • एक्सपेरिया भी

प्रकाशित: २८ चैत्र २०८१, बिहीबार

तपाइको प्रतिक्रिया