मेटाले इन्स्टाग्राममा किशोरकिशोरीहरूको लाइभस्ट्रिमिङलाई रोक लगायो

काठमाडौं ।

मेटाले इन्स्टाग्राममा १६ वर्ष मुनिका किशोरकिशोरीहरूलाई अभिभावकको अनुमति बिना एपको लाइभ सुविधा प्रयोग गर्न निषेध गर्ने भएको छ।

सामाजिक सञ्जाल कम्पनी मेटाले फेसबुक र मेसेन्जर प्लेटफर्महरूमा १८ वर्ष मुनिका किशोरकिशोरी ( साथै बालबालिका) हरूका लागि सुरक्षा उपायहरू विस्तार गर्दै गर्दा, लाइभस्ट्रिमिङमा प्रतिबन्ध लगाएर इन्स्टाग्राममा किशोरकिशोरीहरूका लागि सुरक्षा उपायहरू विस्तार गर्ने भएको छ।

१६ वर्ष मुनिका किशोरकिशोरीहरूलाई अभिभावकको अनुमति बिना इन्स्टाग्रामको लाइभ सुविधा प्रयोग गर्न निषेध गरिने उल्लेख गरिएको छ। उनीहरूको डाइरेक्ट मेसेजेज (प्रत्यक्ष सन्देशहरू) मा शंकास्पद नग्नता भएका तस्बिरहरूलाई ब्लर (धमिलो) पार्ने सुविधा टर्न अफ (बन्द) गर्न पनि अभिभावकको अनुमति आवश्यक पर्नेछ।

इन्स्टाग्रामको टिन्स अकाउण्ट्स सिस्टम (किशोर खाता प्रणाली) लाई फेसबुक र मेसेन्जरमा विस्तार गरेसँगै परिवर्तनहरू घोषणा गरिएको उल्लेख छ। गत वर्ष प्रस्तुत गरिएको टिन्स अकाउण्ट्सलाई अण्डर–१८ (१८ वर्ष मुनि) अन्तर्गत डिफल्ट (पूर्वनिर्धारित) रूपमा सेटिङमा राखिएको छ जसमा अभिभावकहरूलाई एप प्रयोग गर्न दैनिक समय सीमा सेट गर्ने, निश्चित समयमा किशोरकिशोरीहरूलाई इन्स्टाग्राम प्रयोग गर्नबाट ब्लक गर्ने (रोक्ने) र आफ्ना बच्चाहरूले सन्देशहरू आदानप्रदान गरिरहेको खाताहरू हेर्न दिने जस्ता सुविधा उपलब्ध रहेको उल्लेख गरिएको छ।

फेसबुक र मेसेन्जर टिन्स अकाउण्ट्स सुरुमा अमेरिका, बेलायत, अष्ट्रेलिया र क्यानडामा रोल आउट (सुरु) गरिनेछ। इन्स्टाग्राम अकाउण्ट्स (खाताहरू) मा जस्तै, १६ वर्ष मुनिका प्रयोगकर्ताहरूलाई सेटिङहरू परिवर्तन गर्न आफ्ना अभिभावकको अनुमति चाहिनेछ भने १६ र १७ वर्षका प्रयोगकर्ताहरूले आफैंले सेटिङहरूलाई स्वतन्त्र रूपमा परिवर्तन गर्न सक्नेछन्।

इन्स्टाग्राम टिन्स अकाउण्ट्स (किशोर खाताहरू) विश्वभरका १८ वर्ष मुनिका ५ करोड ४० लाख किशोरकिशोरीहरूले प्रयोग गर्ने र जसमा १३ देखि १५ वर्ष उमेरका ९० प्रतिशत भन्दा बढीले आफ्नो डिफल्ट रेस्ट्रिक्सन्स (पूर्वनिर्धारित प्रतिबन्धहरू) पालना गर्छन् भनि मेटाले बताएको छ।

बेलायतले अनलाइन सेफ्टि एक्ट (सुरक्षा ऐन) लागू गरेसँगै मेटाको यो घोषणा आएको हो। मार्चदेखि, फेसबुक, गुगल र एक्स देखि रेडिट र ओन्लीफ्यान्स सम्मका १,००,००० भन्दा बढी सेवाहरू समेट्ने कानूनको दायरा भित्र रहेका प्रत्येक साइट र एपले बाल यौन दुव्र्यवहार, ठगी र आतंकवाद सामग्री जस्ता गैरकानूनी सामग्रीको उपस्थिति रोक्न वा अनलाइन भएमा यसलाई हटाउन कदम चाल्नु पर्नेछ।

यस ऐनमा बालबालिकालाई हानिबाट जोगाउने प्रावधानहरू पनि रहेका छन् र प्राविधिक प्लेटफर्महरूले १८ वर्ष मुनिका बालबालिकाहरूलाई आत्महत्या र आत्म–हानि–सम्बन्धित सामग्री जस्ता हानिकारक सामग्रीबाट जोगाउनु पर्ने आवश्यकताको उल्लख गरिएको छ।

गत हप्ता रिपोर्टहरूले, बेलायत–अमेरिका व्यापार सम्झौताको एक भागको रूपमा यो ऐनलाई वाटर डाउन ( बल वा प्रभावकारितालाई कम गरेर कमजोर बनाउने) गर्न सकिन्छ भनि उल्लेख गरेका थिए भने कुनै पनि सम्झौता “भयानक बिक्री” हुने र जुन मतदाताहरूले अस्वीकार गर्ने भन्दै बाल सुरक्षा समूहहरूबाट यसले विरोधको सामना गर्नुपरेको थियो।

इन्स्टाग्राम प्रतिबन्धहरू सुरु भएको समयमा बोल्दै, मेटाका तत्कालीन विश्वव्यापी मामिलाका अध्यक्ष निक क्लेगले अभिभावकीय नियन्त्रणहरू प्रयोग गर्ने कुरा आउँदा “अभिभावकहरूको पक्षमा सन्तुलन परिवर्तन गर्ने” उद्देश्य रहेको बताएका थिए। क्लेगले अभिभावकहरूले बाल सुरक्षा उपायहरू प्रयोग नगर्ने भनि बताएको केही दिनपछि यो घोषणा आएको द गार्जियनले उल्लेख गरेको छ।