नेटफ्लिक्सले ल्यायो एचडीआर१० प्लस ईमेज क्वालिटी, यी प्रयोगकर्ताहरुका लागि उपलब्ध हुने

काठमाडौं ।

मार्को पोलो सिरिजसँग हाई डायनामिक रेञ्ज (एचडीआर) को लागि समर्थन लन्च गरेको लगभग एक दशक पछि, नेटफ्लिक्सले अब ईमेज क्वालिटी लाई अझ सुधार गर्ने नयाँ ढाँचा रोल आउट गर्दैछ।

प्रयोगकर्ताहरूले चाँडै नै एचडीआर१० प्लसमा कन्टेन्ट (सामग्री) स्ट्रिम गर्न सक्षम हुनेछन्, जुन डल्बी भिजन ढाँचासँग प्रतिस्पर्धा गर्ने प्रविधि भएको कम्पनीले घोषणा गरेको छ।

स्ट्याण्डर्ड (मानक) एचडीआरको तुलनामा एचडीआर१० प्लसले ब्राइट (उज्यालो), थप भिभिड ईमेज (अधिक जीवन्त छवि) को लागि फराकिलो डायनामिक रेञ्ज (गतिशील दायरा) प्रदान गर्दछ। यसले फ्रेम–बाइ–फ्रेम टोन समायोजनलाई पनि सक्षम बनाउने भएकोले डिभाइसलाई स्वचालित रूपमा डार्क (अँध्यारो) र ब्राइट सिन्स (उज्यालो दृश्यहरू) को ब्राइटनेस (चमक) समायोजन गर्न आवश्यक नपर्ने उल्लेख गरिएको छ।

त्यसको सट्टा बरु, कन्टेन्ट (सामग्री) मा निर्मित प्रविधिले टिभी, फोन, वा ट्याब्लेटलाई डिटेल्स (विवरणहरू) अझ सही रूपमा प्रदर्शन गर्न मद्दत गर्ने उल्लेख गरिएको छ। फलस्वरूप, एचडीआर१० प्लसले डिपर ब्ल्याक, कम ओभरएक्सपोज्ड क्षेत्रहरू र ग्रेटर भिजुअल एक्युरेसी प्रदान गर्ने बताइएको छ।

नेटफ्लिक्सले एचडीआर१० र एचडीआर१० प्लस बीचको तुलनात्मक इमेजेज (तस्बिरहरू) प्रकाशित गरेको छ जहाँ फ्ल्यासलाइटद्वारा प्रकाशित विवरणहरू एचडीआर१०+ मा राम्रोसँग संरक्षित छन् भने एचडीआर१० संस्करण ओभरएक्सपोज्ड भएको स्पष्ट रुपमा देखिएको एन्ड्रोइड अथोरिटीले रिपोर्ट गरेको छ।

एचडीआर१० प्लस एभी१ कोडेकको साथ

नेटफ्लिक्सले सन् २०१८ मा प्रस्तुत गरिएको एभी१ कोडेक मार्फत एचडीआर१०+ प्रदान गर्दैछ। यो मूल रूपमा फोनहरूमा फोरके कन्टेन्ट (सामग्री) स्ट्रिम गर्न आवश्यक डाटाको मात्रा घटाउन डिजाइन गरिएको थियो भने यो ठूला एचडीआर फाइलहरूको लागि पनि प्रभावकारी साबित भएको उल्लेख छ।

अहिलेको लागि, एचडीआर१०+ केवल चयन गरिएका कन्टेन्ट (सामग्री) हरूको लागि उपलब्ध हुनेछ। ढाँचाले सुरुमा “उपलब्ध भिविङ्ग आवर्स को ५० प्रतिशत” समेट्ने कम्पनीले बताएको छ भने यसमा के समावेश गरिएको छ भनेर स्पष्ट पारिएको छैन्। उक्त योजना सन् २०२५ को अन्त्यसम्ममा नेटफ्लिक्समा सबै एचडीआर मुभिज (चलचित्रहरू) र सिरिजहरूले एचडीआर१०+ लाई समर्थन गर्ने भएको उल्लेख गरिएको छ।

एचडीआर१० प्लस कसले प्रयोग गर्न सक्छन् ?

एचडीआर१० प्लस सबै प्रयोगकर्ताहरूको लागि उपलब्ध नहुने बताइएको छ। यसलाई प्रयोग गर्न, नेटफ्लिक्स प्रिमियम सदस्यताका साथै एभी१ कोडेक र एचडीआर१० प्लस ढाँचालाई समर्थन गर्ने उपकरण चाहिने उल्लेख गरिएको छ।

एक पटक ढाँचा उपलब्ध भएपछि, प्रयोगकर्ताहरूले आफ्नो डिभाइसको सेटिङहरूमा एचडीआर अप्सन (विकल्प) सक्षम गर्नुपर्नेछ र सुधारिएको ईमेज क्वालिटी (छवि गुणस्तर) को आनन्द लिन एचडीआर१०+ लाई समर्थन गर्ने कन्टेन्ट (सामग्री) फेला पार्ने टेलीग्राफले रिपोर्टमा उल्लेख गरेको छ।