एआई चिप स्टार्टअप फ्यूरिओसाद्वारा मेटाको ८०० मिलियनको अधिग्रहण प्रस्ताव अस्वीकार

काठमाडौं ।

एआई चिप स्टार्टअप फ्यूरिओसा एआईले मेटाबाट आएको ८०० मिलियनको अधिग्रहण प्रस्ताव अस्वीकार गरेको छ। एआई एप्लिकेशनहरूका लागि चिप बनाउने दक्षिण कोरियामा आधारित फ्यूरिओसा एआई  मेटाको प्रस्ताव अस्वीकार गर्दै आफ्नो एआई चिपहरू विकास र उत्पादन गर्न ध्यान केन्द्रित गर्ने निर्णय गरेको स्थानीय मिडियाले रिपोर्ट गरेको छ।

मूल्यका विषयहरू भन्दाअधिग्रहणपछि व्यापार रणनीति र संगठनात्मक संरचनामा असहमतिहरूका कारण वार्ता विफल भएको बताइएको छ।

विभिन्न एआई एप्लिकेशनहरूका लागि ठूला भाषा मोडेल (एलएलएम) निर्माण गरिरहेका अन्य टेक कम्पनीहरूसँगै मेटाले एनभीडिया सँगको निर्भरता घटाउनको लागि चिपहरू निर्माण गर्न प्रयास गर्दै आएको छ, जुन एलएलएमहरुको प्रशिक्षण र निर्माणका लागि विशेष चिपहरू हुन्।

मेटाले गत वर्ष आफ्ना कस्टम एआई चिपहरू सार्वजनिक गरेको थियो र यो वर्ष आफ्नो एआई योजनामा समर्थन गर्नको लागि ६५ अर्बसम्मको लगानी गर्ने जनवरीमा बताएको थियो।

फ्यूरिओसा एआईले टिप्पणीको लागि अनुरोधको जवाफ दिएको छैन। मेटाले पनि नियमित व्यापार घण्टाबाहेक टिप्पणीको लागि अनुरोधको जवाफ दिएको छैन।

यसबीच, फ्यूरिओसा एआईले लगानीकर्ताहरूसँग लगभग ४८ मिलियन डलर (७० अर्ब कोरियाली वोन) जुटाउनको लागि वार्ता गरिरहेको र यसै महिनाभित्र उक्त रकम सङ्कलन पूरा गर्ने लक्ष्य राखेको टेकक्रञ्चले उल्लेख गरेको छ।

२०१७ मा जुन पाइकद्वारा स्थापना गरिएको फ्यूरिओसा एआईले दुई एआई चिपहरू, वारबोय र रेनेगेड विकास गरेको छ, जसले एनभीडिया र एएमडी जस्ता कम्पनीहरूको प्रतिस्पर्धा गर्न सक्छ।

स्टार्टअपले एलजी एआई अनुसन्धान र अराम्कोको साझेदारीमा रेनेगेड चिपहरूको परीक्षण पूरा गरेको जनाएको छ जसलाई तर्क मोडेलहरूको लागि उपयुक्त मानिन्छ। एलजी एआई अनुसन्धानले रेनेगेड चिपहरू आफ्नो एआई पूर्वाधारमा प्रयोग गर्ने योजना बनाएको बताइएको छ र स्टार्टअपले यस वर्षको अन्त्यसम्म चिपहरू सार्वजनिक गर्ने योजना बनाएको उल्लेख गरिएको छ।