बुच विल्मोर र सुनिता विलियम्स बोकेको स्पेसएक्स यान आईएसएस कक्षबाट छुट्यो, बुधबार झिसमिसेमा पृथ्वीमा आइपुग्ने

काठमाडौं ।

नौ महिनाभन्दा बढी समयदेखि अन्तरिक्षमा फसेका एक जोडी अन्तरिक्ष यात्री अन्तर्राष्ट्रिय अन्तरिक्ष स्टेशन (आइएसएस) बाट आफ्नो क्याप्सुल अलग भएपछि अन्ततः मङ्गलबार घर फर्कने क्रममा छन्।

बुच विल्मोर र सुनिता विलियम्स बोकेको स्पेसएक्स यान स्थानीय समयानुसार ०५:०५ मा कक्षीय स्टेसनबाट अलग भयो। यसले विश्वव्यापी ध्यान आकर्षित गरेको उनीहरूको लामो मिसन अन्त्य गरेको छ। नासाको यो जोडीसँग अमेरिकी निक हेग र रुसी अन्तरिक्षयात्री अलेक्जान्डर गोर्बुनोभ पनि सामेल छन्।

चालक दल अब पृथ्वीमा फर्कने १७ घण्टाको यात्राका लागि बसिरहेका छन् र उनीहरूलाई स्पेस सुटबाट बढी आरामदायी पोशाकमा परिवर्तन गर्न अनुमति दिइएको छ।

सबै कुरा राम्ररी चलेको खण्डमा क्याप्सुल फ्लोरिडाको तटमा मङ्गलबार लगभग २१:५७ जिएमटीमा समुद्री स्प्ल्यासडाउनका लागि आफ्नो प्यारासुट खोल्नेछ। यो नेपाली समय अनुसार बुधबार राति ३ बजेर ४२ मिनेट हुन आउँछ। त्यहाँ एक रिकभरी जहाजले चालक दललाई पुनः प्राप्त गर्नेछ।

विल्मोर र विलियम्सले गत वर्ष जुनमा कक्षीय प्रयोगशालामा उडान भर्नुभएको थिए। यो बोइङको स्टारलाइनरलाई यसको पहिलो चालक दल उडानमा परीक्षण गर्न एक दिन लामो राउन्ड ट्रिप हुने थियो। तर अन्तरिक्ष यानमा प्रोपल्सन समस्या देखा पर्यो र उनीहरूलाई फिर्ता उडाउन अयोग्य मानिएपछि, खाली फिर्ता पठाइयो।

पूर्व नौसेना पाइलटहरू विल्मोर (६२) र विलियम्स (५९) लाई नासा–स्पेसएक्स क्रू–९ मिसनमा पुनः नियुक्त गरियो। जसमा गत सेप्टेम्बरमा ड्र्यागन अन्तरिक्ष यानलाई सामान्य चारको सट्टा दुईको टोलीसँग आइएसएसमा उडान गरेको थियो।

त्यसपछि आइतबार बिहान क्रू–१० भनिने राहत टोली स्टेसनमा जोडियो। त्यहाँ उनीहरू ह्याचबाट तैरँदै हिँड्दा उनीहरूको आगमनलाई व्यापक मुस्कानहरू र अङ्कमालहरूले स्वागत गरियो। क्रू–१० को आगमनले हेग र गोर्बुनोभसँगै विल्मोर र विलियम्सको प्रस्थानको बाटो खोल्यो।-रासस/एएफपी